|
2018-09-27 16:50:13, 2624 ნახვა
ეკონომიკა
ქობულია - ევროპის საინვესტიციო ბანკი ქართველ მცირე და საშუალო მეწარმეებს ბიზნეს გეგმების მომზადებაში კონსულტაციას გაუწევს
მცირე და საშუალო ბიზნესისთვის ფინანსური და ტექნიკურ-საკონსულტაციო დახმარების გაწევა იყო ერთ-ერთი მთავარი საკითხი საქართველოს ეკონომიკისა და მდგრადი განვითარების მინისტრის, გიორგი ქობულიას და ევროპის საინვესტიციო ბანკის ვიცე-პრეზიდენტ ვაზილ ჰუდაკს შორის გამართულ შეხვედრაზე. ეკონომიკის სამინისტროს ინფორმაციით, შეხვედრა ევროპის საინვესტიციო ბანკის დელეგაციის საქართველოში ვიზიტის ფარგლებში გაიმართა. შეხვედრის შემდეგ, ეკონომიკისა და მდგრადი განვითარების მინისტრმა გიორგი ქობულიამ განაცხადა, რომ ევროპის საინვესტიციო ბანკი საქართველოში ისეთ მიმართულებებს აფინანსებს, როგორიცაა ინფრასტრუქტურა და ენერგეტიკა. შეხვედრაზე ასევე ყურადღება გამახვილდა მცირე და საშუალო ბიზნესის დაფინანსებაზე საქართველოში ისეთი პროგრამის მეშვეობით, როგორიცაა InnovFin (ევროკავშირი დახმარება ნოვატორებისთვის). ამასთან, მინისტრის თქმით, ევროპის საინვესტიციო ბანკი მზადაა, გაუწიოს არა მარტო ფინანსური დახმარება მცირე და საშუალო ბიზნესს, მაგალითად, საკრედიტო-საგარანტიო ფონდის მეშვეობით, არამედ დაეხმაროს საკონსულტაციო მიმართულებით, რათა ქართველმა ბიზნესმენებმა ხარისხიანი ბიზნესგეგმები მოამზადონ საკრედიტო დაწესებულებებში წარსადგენად. ცნობისთვის, ევროპის საინვესტიციო ბანკი ერთ-ერთი უმსხვილესია მსოფლიოში. მისი პორტფელი 80 მლრდ ევროა. ბანკის მიერ საქართველოში უკვე განხორციელებულია 500 მლნ ევროს ინვესტიცია.
(NS)
სოფელ წინაკვერკვეში მეწყრული პროცესები ვითარდება
ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება
ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.
დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|





epn.ge (@expressnews.ge)