2018-09-17 14:44:12, 548 ნახვა
რეგიონი
ხიჭაურის საჯარო სკოლაში სასწავლო წელი განახლდა
17 სექტემბერს შუახევის მუნიციპალიტეტის საჯარო სკოლებში პირველი ზარი დაირეკა.
დილიდანვე განსაკუთრებული ხალისი იგრძნობოდა ქუჩებში. კოხტად გამოწყობილი გოგო - ბიჭები ჩანთებით ხელში მხიარულად მიიჩქაროდნენ სკოლისკენ.
ახალი სასწავლო წელი განახლდა ხიჭაურის საჯარო სკოლაშიც.
მოსწავლეებსა და მასწავლებლებს სასწავლო პროცესის განახლება შუახევის საკრებულოს თავმჯდომარე გიორგი დავითაძემ, მერის მოადგილეებმა ომარ ტაკიძემ, რუსუდან შავაძემ და სხვა ხელმძღვანელმა პირებმა მიულოცეს.
ხელმძღვანელმა პირებმა მოსწავლეებსა და პედაგოგებს წარმატებული და შემოქმედებითი სასწავლო წელი უსურვეს.
ხიჭაურის საჯარო სკოლას 74 მოსწავლე, მათ შორის 3 პირველკლასელი ჰყავს. მომავალი თაობების აღზრდაზე 74 მასწავლებელი იზრუნებს.
(NS)
![]()
ავტორი: ,
epn.ge (@expressnews.ge)
