„აქედან ან მკვდარს გაგვიტანენ ან მივაღწევთ ჭეშმარიტებას“ - სარალიძემ და მაჩალიკაშვილმა ღამე პარლამენტთან გაატარეს

2018-09-11 09:52:10, 772 ნახვა

საზოგადოება

ხორავას ქუჩაზე მოკლული ერთ-ერთი მოზარდის მამამ ზაზა სარალიძემ და პანკისის ხეობაში სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკასვილმა ღამე რუსთაველის გამზირზე, პარლამენტის შენობასთან გაატარეს.

როგორც სარალიძემ აღნიშნა, ბრძოლაას ბოლომდე აპირებს.

„არც ცნობს როგორც ხედავთ მმართველი გუნდის წარმომადგენლები ამ დასკვნას და უწოდებენ პოლიტიკურად ანგაჟირებულს. თავად არიან პოლიტიკურად ანგაჟირებულები, თავად არიან მკვლელების დამცველები და თავად არიან ამ საქმის გამყალბებლების დამცველები. აქედან გამომდინარე მიიღეთ გადაწყვეტილება, რომ აუცილებლად უნდა დატოვოს ამ ხელისუფლებამ დაკავებული თანამდებობა. მანამ გავაგრძელებ შიმშილობას, სანამ ჩვენი მოთხოვნები არ შესრულდება. აქედან ან მკვდარს გაგვიტანენ ან აუცილებლად მივაღწევთ ჭეშმარიტებას", - განაცხადა სარალიძემ.

რუსთაველის გამზირზე პანკისიდან ჩამოსული ქისტებიც იმყოფებოდნენ.

რაც შეეხება აქციას, ის რუსთაველის გამზირზე 19:00 საათზე განახლდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები