აჭარის ავტონომიური რესპუბლიკის მთავრობის თავმჯდომარე, თორნიკე რიჟვაძე და საქართველოს საზღვაო ტრანსპორტის სააგენტოს ხელმძღვანელი თამარ იოსელიანი, 7 დღის წინ გაუჩინარებული,  პანამის დროშის ქვეშ მცურავი გემის ქართველი მეზღვაურების ოჯახებს შეხვდნენ.

თორნიკე რიჟვაძემ მეზღვაურების ოჯახის წევრებს მიულოცა და აღნიშნა, რომ სახელმწიფო უწყებები კოორდინირებულად მუშაობენ, რათა მფარველობა გაუწიონ მეზღვაურებს, როგორც ქვეყნის შიგნით ასევე ქვეყნის გარეთ.

,,დღეს საზღვაო ტრანსპორტის სააგენტოს ხელმძღვანელთან, ქალბატონ თამარ იოსელიანთან ერთად შევხვდით მეზღვაურების ოჯახის წევრებს, მივულოცეთ მათ და ვაცნობეთ, რომ მეზღვაურები უსაფრთხო ადგილას არიან გადაყვანილები და ძალიან მალე ისინი საქართველოში დაბრუნდებიან", - აღნიშნა აჭარის მთავრობის თავმჯდომარემ.

შეგახსენებთ, რომ 7 დღის წინ გაუჩინარებული გემი PANTELENA, რომელზეც 17 ქართველი მეზღვაური იმყოფება, ნაპოვნია. მიღებული ინფორმაციით, მეზღვაურების სიცოცხლეს და ჯანმრთელობას საფრთხე არ ემუქრება და მათი მდგომარეობა დამაკმაყოფილებელია.

საგარეო საქმეთა სამინისტრომ და ეკონომიკისა და მდგრადი განვითარების სამინისტროს საზღვაო ტრანსპორტის სააგენტომ ამ პერიოდის განმავლობაში ჩაატარეს კოორდინირებული სამუშაო სხვადასხვა მიმართულებით და უზრუნველჰყვეს ყველა მხარის  ჩართულობა მოძიების პროცესში. ამოქმედებული იქნა ყველა დარგობრივი და დიპლომატიური ბერკეტი, როგორც დასავლეთ აფრიკის რეგიონის ქვეყნები, ასევე საზღვაო და რეგიონული ორგანიზაციები.

შექმნილი სიტუაციის პირველი წუთებიდანვე სააგენტო აქტიურ კავშირზეა გემის დროშის სახელმწიფოსთან - პანამა, ასევე რეგიონში მოქმედ საზღვაო უშიშროების ჯგუფებთან, რომლებთან უშუალო კოორდინაციითაც ხორციელდება ღონისძიებები მეზღვაურების უსაფრთხოების უზრუნველსაყოფად.

(NS)

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა