აჭარის დელეგაციის პოლონეთის რესპუბლიკაში ვიზიტის ფარგლებში შეხვედრა შედგა მალოპოლსკას სავოევოდოს მარშალთან იაცეკ კრუპასთან. თორნიკე რიჟვაძემ მადლობა გადაუხადა მარშალს მალოპოლსკას რეგიონში მოწვევისთვის და საინტერესო მასპინძლობისთვის. რეგიონის ხელმძღვანელმა ხაზგასმით აღნიშნა, რომ ევროატლანტიკურ სივრცეში ინტეგრაციის გზაზე მყოფი საქართველოსთვის ძალიან მნიშვნელოვანია ისეთი სტრატეგიული ევროპელი პარტნიორის არსებობა, როგორიც პოლონეთია. შეხვედრაზე ხაზი გაესვა ორ ქვეყანას შორის არსებულ მეგობრულ ურთიერთობებს, რაც რეგიონულ დონეზე წარმატებული თანამშრომლობითაც გამოიხატება.

ქვეყნები მჭიდროდ თანამშრომლობენ საერთაშორიო ორგანიზაციების ფარგლებში და მათ ურთიერთმხარდამჭერი პოზიციები გააჩნიათ. ორ ქვეყანას შორის მუდმივად იმართება მაღალი რანგის ოფიციალური ვიზიტები, როგორც ცენტრალურ, ასევე რეგიონულ დონეზე, რაც ემსახურება მჭიდრო, საქმიანი და მეგობრული კავშირების გაღრმავებას და განვითარებას.

მხარეებმა განიხილეს რეგიონულ დონეზე ტურიზმის, ეკონომიკის, კულტურულ-საგანმანათლებლო და ჯანდაცვის სფეროებში თანამშრომლობა. აჭარის მთავრობის თავმჯდომარემ აღნიშნა, რომ რეგიონებს შორის მრავალწლიანი თანამშრომლობა და მეგობრობა დამყარებულია საერთო ხედვებსა და ინტერესებზე, რაც ქმნის თანამშრომლობის ახალ ეტაპზე გადასვლის საფუძველს.

საუბარი შეეხო რეგიონების ტურისტულ პოტენციალს. ქვეყნებს შორის უვიზო მიმოსვლის რეჟიმის არსებობა მნიშვნელოვნად უწყობს ხელს ტურიზმის სფეროში თანამშრომლობის განვითარებას. ყოველწლიურად იზრდება პოლონელი ვიზიტორების რიცხვი აჭარაში.  აქტიური საჰაერო მიმოსვლა. აჭარის ტურიზმისა და კურორტების დეპარტამენტი ყოველწლიურად მონაწილეობს პოლონეთის სხვადასხვა საერთაშორისო ტურისტულ გამოფენაში.

მალოპოლსკას სავოევოდოს მარშალთან შეხვედრის შემდეგ ხელი მოეწერება  ხელშეკრულებას რეგიონთაშორისი თანამშრომლობის შესახებ.

მალოპოლსკას მხრიდან მარშალის ოფისში შეხვედრას  ესწრებოდნენ მალოპოლსკას რეგიონალური ასამბლეის თავმჯდომარის მოადგილე - კაზიმიერზ ბარცზიკი, მალოპოლსკას რეგიონალური ასამბლეის რეგიონალური განვითარებისა და პრომოუშენის, საერთაშორისო თანამშრომლობის კომიტეტის თავმჯდომარე -გრზეგორზ ბიედრონი, ხაზინის და ეკონომიკის დეპარტამენტის დირექტორი - რობერტ მაციასზეკი, საბჭოს ოფისის დირექტორი - იტოლდ კოჩანი, რეგიონული პოლიციის დეპარტამენტის დირექტორი - იოანნა ურბანოვიცზი, კულტურისა და ეროვნული მემკვიდრეობის დეპარტამენტის დირექტორი - კრზისტოფ მარკიელი, საერთაშორისო ურთიერთობათა ოფისის ხელმძღვანელი - კატარზინა ფურმანიკი და საქართველოს ელჩი პოლონეთში ილია დარჩიაშვილი.

(NS)

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა