განათლების სამინისტროსთან აქციაზე შეკრებილ შავი ზღვის უნივერსიტეტის სტუდენტებს მინისტრი ხვდება

2018-08-21 17:25:47, 1351 ნახვა

საზოგადოება

შავი ზღვის საერთაშორისო უნივერსიტეტის სტუდენტები, განათლების სამინისტროსთან აქციას მართავენ.

ისინი ავტორიზაციის საბჭოს გადაწყვეტილების გაუქმებას ითხოვენ.

„ჩვენ აქ შევიკრიბეთ იმისთვის, რომ გავაპროტესტოთ ავტორიზაციის საბჭოს გუშინდელი გადაწყვეტილება. ძალიან გვწყდება გული, იმის გამო, რომ ახალი კურსი ვერ მოვა, ვინაიდან ეს ბავშვებისთვისაც დიდ სტრესს წარმოადგენს. მე ძალიან გამიჭირდებოდა ასეთი რამ, იმიტომ, რომ ძალიან მინდოდა IBSU-ში ჩაბარება და მათ ადგილას, ერთი წელი დავიცდიდი, რომ ამ უნივერსიტეტში მოვხვედრილიყავი“, - აღნიშნა ერთ-ერთმა სტუდენტმა.

სტუდენტებს ცოტა ხნის წინ განათლების მინისტრთან, მიხეილ ბატიაშვილთან შეხვედრა შესთავაზეს, რაზეც მათ თანხმობა განაცხადეს. შეხვედრაზე სტუდენტების ნაწილი იმყოფება..

შეგახსენებთ, რომ ავტორიზაციის საბჭოს გადაწყვეტილებით, შავი ზღვის საერთაშორისო უნივერსიტეტს ერთი წლით სტუდენტთა მიღება შეეზღუდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები