საქართველოს თავდაცვის მინისტრის თინა ხიდაშელის განცხადებით, აღსანიშნავია, რომ  დევნილებთან დაკავშირებით რეზოლუციის მომხრეთა რიცხვი 6-ით გაიზარდა.

ხიდაშელის თქმით, წლების განმავლობაში ყოველი ხმა ძნელად მოსაპოვებელია და ამ ფონზე, რეზოლუციის მომხრეთა რიცხვის 75 სახელმწიფომდე გაზრდას, დიდი მნიშვნელობა აქვს.

"მახსოვს ისტერიკა წლების განმავლობაში,  შარშანდელი განსაკუთრებით და ოპოზოციისგანაც ველოდები განცხადებებს ჩვენი საგარეო უწყების კარგად მუშაობის შესახებ.ძალიან მნიშვნელოვანია ეს რეზოლუცია და განსაკუთრებით მნიშვნელოვანია ის, რომ მხარდამჭერების რაოდენობა იზრდება წელს განსაკუთრებული წარმატება გვქონდა და ამისთვის მადლობა  უნდა ვუთხრათ როგორც ჩვენი მისიის ხელმმღვანელს კახა იმნაძეს, ასევე საგარეო საქმეთა სამინისტროს გუნდს.  ეს არ არის მარტივი.თქვენ იცით წლების განმავლობაში ყოველი ხმა რამდენად მძიმედ მოსაპოვებელია ხოლმე და წელს უცბად 6 ხმით მეტი გავქვს",-განაცხადა თინა ხიდაშელმა.

გაერო-ს გენერალურმა ანსამბლეამ, 69-ე სესიაზე, „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ" მორიგი რეზოლუცია მიიღო. რეზოლუციის მომხრეთა რიცხვი წელს 75 სახელმწიფომდე გაიზარდა.
რეზოლუცია გმობს საქართველოს ოკუპირებულ რეგიონებში ძალისმიერი გზით განხორციელებულ დემოგრაფიულ ცვლილებებს, ხაზს უსვამს დევნილთა საკუთარ სახლებში ღირსეული და უსაფრთხო დაბრუნების აუცილებლობას ეთნიკური კუთვნილების მიუხედავად, ყურადღებას ამახვილებს მათი საკუთრების უფლების პატივისცემასა და დაცვაზე. ამასთან, რეზოლუცია ხაზს უსვამს აფხაზეთის და ცხინვალის რეგიონებში ჰუმანიტარული საქმიანობის შეუფერხებლად განხორციელების გადაუდებელ აუცილებლობას. რეზოლუცია მოუწოდებს ჟენევის საერთაშორისო მოლაპარაკებების მონაწილეებს, გაააქტიურონ ძალისხმევა ოკუპირებულ რეგიონებში უსაფრთხოებისა და ადამიანის უფლებების კუთხით არსებული მდგომარეობის გასაუმჯობესებლად, რაც თავის მხრივ ხელს შეუწყობს იძულებით გადაადგილებულ პირთა და ლტოლვილთა საკუთარ სახლებში დაბრუნებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს