აჭარის ავტონომიური რესპუბლიკის მთავრობის თავმჯდომარე თორნიკე რიჟვაზე აგრძელებს საქრთველოში აკრედიტებული დიპლომატიური კორპუსის წარმომადგენლებთან შეხვედრებს. დღეს თორნიკე რიჟვაძე უკრაინის საგანგებო და სრულუფლებიან ელჩს საქართველოში იჰორ დოლჰოვს შეხვდა.

გაცნობითი ხასიათის შეხვედრაზე თორნიკე რიჟვაძემ მადლობა გადაუხადა უკრაინის ელჩს საქართველოს სუვერენიტეტის, ტერიტორიული მთლიანობისა და ევროატლანტიკური მისწრაფებების მხარდაჭერისთვის.

„დღეს ჩვენ მსგავსი გამოწვევებითა და შესაძლებლობებით ვდგავართ ევროპული ინტეგრაციის გზაზე, ასევე გვაერთიანებს ტერიტორიული მთლიანობის საკითხები. უკრაინა საქართველოს სტრატეგიული პარტნიორიცაა. ჩვენს ქვეყნებს შორის თანამშრომლობა სხვადასხვა მიმართულებით დინამიურად ვითარდება, განსაკუთრებით კი ტურიზმის სექტორში, რასაც უკრაინიდან შემოსული ტურისტების მზარდი რაოდენობაც მოწმობს" - აღნიშნა აჭარის მთავრობის თავმჯდომარემ თორნიკე რიჟვაძემ.

მხარეებმა იმედი გამოთქვეს, რომ ორ ქვეყანას შორის არსებული მჭიდრო ურთიერთობები მომავალში კიდევ უფრო გაღრმავდება. აღინიშნა, რომ გაგრძელდება ასევე ორ ქვეყანას შორის რეგიონული თანამშრომლობა როგორც სავაჭრო-ეკონომიკური, ისე ჰუმანიტარულ-კულტურული მიმართულებით.

(NS)

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს