„თბილისის მიკროავტობუსები“ მძღოლების შესაძლო გაფიცვის შესახებ გავრცელებულ ინფორმაციას უარყოფს

2018-07-31 19:18:26, 895 ნახვა

საზოგადოება

"თბილისის მიკროავტობუსები" მძღოლების შესაძლო გაფიცვის შესახებ გავრცელებულ ინფორმაციას უარყოფს.

როგორც გავრცელებულ განცხადებაშია ნათქვამი, კომპანიის მენეჯმენტი მუდმივად მსჯელობს საკუთარ თანამშრომლებთან პრობლემურ საკითხებზე და მზადყოფნას გამოთქვამს, კონსტრუქციული დიალოგისთვის.

"საინფრომაციო სააგენტო „ინტერპრესნიუსით" გავრცელებული ინფორმაცია მიკროავტობუსების მოსალოდნელი გაფიცვის შესახებ ყოველგვარ საფუძველს მოკლებულია და არც კონკრეტული რესპოდენტის მიერ დასახელებული ციფრები არის რეალური. „თბილისის მიკროავტობუსი" ნებისმიერი დაინტერესებული პირის საყურადღებოდ აცხადებს, რომ კომპანიის მენეჯმენტი მუდმივად მსჯელობს საკუთარ თანამშრომლებთან პრობლემურ საკითხებზე და მზად ყოფნას გამოთქვამს კონსტრუქციული დიალოგისთვის", - აღნიშნულია განცხადებაში.

ცნობისთვის, მანამდე მედიაში გავრცელდა ინფორმაცია, რომ ხვალ მიკროავტობუსების ნაწილი გაფიცვას გეგმავს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები