ჩეხეთის პარდუბიცეს მხარის გუბერნატორი მარტინ ნეტოლიცკი, ოლქის წარმომადგენლები და ჩეხეთის სოფლის მეურნეობის სკოლის დირექტორი დავიდ ჰრუშკა სოფლის მეურნეობის სამეცნიერო-კვლევითი ცენტრის ერთწლოვანი კულტურების საცდელ-სადემონსტრაციო ბაზას წილკანში ესტუმრნენ.

სტუმრებმა სადემონსტრაციო ნაკვეთები, სათბურები და ბაზაზე არსებული ლაბორატორიები დაათვალიერეს და სამეცნიერო-კვლევითი ცენტრის საქმიანობას გაეცნენ.

 ჩეხეთის დელეგაციას სოფლის მეურნეობის სამეცნიერო-კვლევითი ცენტრის დირექტორის მოადგილე ნოდარ ხატიაშვილი, დუშეთის, თიანეთის, მცხეთის და ყაზბეგის მუნიციპალიტეტებში სახელმწიფო რწმუნებულ-გუბერნატორის მოადგილე თამაზ სუჯაშვილი, მცხეთა-მთიანეთის რეგიონული განვითარების სააგენტოს დირექტორი შალვა გივიშვილი შეხვდნენ. მხარეებმა საქართველოსა და ჩეხეთში ორგანული სოფლის მეურნეობის მდგომარეობაზე, განვითარების პერსპექტივებსა და დარგის გამოწვევებზე ისაუბრეს. შეხვედრაზე მნიშვნელოვანი ყურადღება აგრარულ სფეროში პროფესიული განათლების ხელშეწყობასა და გაძლიერებას დაეთმო.

ვიზიტის ფარგლებში ჩეხეთის დელეგაცია ადგილობრივ სასწავლებლებს მოინახულებს და საქართველოს რეგიონებს ესტუმრება.

(NS)

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე