ვაკის რაიონში დამცავი კედლები მოეწყო და ლითონის მოაჯირები დამონტაჟდა

2018-07-25 10:43:11, 676 ნახვა

საზოგადოება

ვაკის რაიონში, მოსახლეობის უსაფრთხოების გათვალისწინებით, სხვადასხვა მისამართზე გრუნტის დამჭერი კედლები მოეწყო და ლითონის მოაჯირები დამონტაჟდა.

მერიის ინფორმაციით, სამუშაოები ბურკიაშვილის N15-სა და მიმდებარე ტერიტორიაზე განხორციელდა, რომლითაც ადგილობრივ მცხოვრებლებს რამდენიმე ათეული წლის განმავლობაში არსებული პრობლემა მოუგვარდება. გამგეობის პროექტის შედეგად, აღნიშნულ მონაკვეთზე, 14 მეტრამდე სიგრძისა და 5.5 მეტრამდე სიმაღლის კედელი აშენდა. გარდა ამისა, განხორციელდა იქვე არსებული საერთო სარგებლობის კიბის რეაბილიტაცია და მოეწყო სანიაღვრე ქსელი.

მიმდინარე წელს, ფერდობის, გრუნტისა და გზის დამჭერი საყრდენი კედელი სულ, შვიდ მისამართზე აშენდა, რაც ვაკის რაიონის მოსახლეობისთვის მნიშვნელოვანი პროექტი და საცხოვრებელი სახლების დაზიანების პრევენციაა.

დამცავი კედლების გარდა, რაიონის მასშტაბით, სხვადასხვა მისამართზე, 524 გრძივი მეტრის ლითონის მოაჯირი დამონტაჟდა. შავგულიძის ქუჩაზე კი, მოსახლეობის თხოვნით, საერთო სარგებლობის კიბე მოეწყო.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები