საელჩოს ინფორმაციით, საბერძნეთში დაკარგული საქართველოს ორივე მოქალაქე იპოვეს და ისინი უსაფრთხოდ არიან

2018-07-24 17:28:30, 857 ნახვა

საზოგადოება

საელჩოს წარმომადგენლებმა საბერძნეთში დაკარგული საქართველოს მეორე მოქალაქეც იპოვეს.

როგორც საელჩოს მიმართვაშია აღნიშნული, ორივე მათგანი უსაფრთხო ტერიტორიაზე იმყოფება.

„გაცნობებთ, რომ საქართველოს მოქალაქე, რომელთანაც დაკავშირება ვერ ხერხდებოდა, საელჩოს მიერ მოძებნილ იქნა და ამჟამად, ჩვენი თანამემამულე უსაფრთხოდ, ახლობლებთან იმყოფება. შესაბამისად, გუშინ საღამოდან ამ მომენატამდე, საელჩოს ცხელ ხაზზე შემოსულ ყველა შეტყობინებაზე საელჩოს მხრიდან განხორციელდა შესაბამისი რეაგირება და ამ შეტყობინებებთან დაკავშირებული ყველა ინციდენტი ამოწურულია.

16:00 საათის მდგომარეობით, საქართველოს საელჩოში ჩვენს დაზარალებულ მოქალაქეებთან დაკავშირებით დამატებითი შეტყობინება არ შემოსულა. ამ ეტაპზე, საბერძნეთის შინაგან საქემთა სამინისტროდან ველით დაღუპულთა და ჰოსპიტალიზირებულთა შესახებ ინფორმაციას, რათა დავრწმუნდეთ, რომ ათენის გარეუბნებში გაჩენილი ხანძრის შედეგად, საქართველოს მოქალაქეები არ გარდაცვლილან ან დაშავებულან“, - ნათქვამია საელჩოს მიმართვეაში.

ცნობისთვის, საბერძნეთში დაღუპულთა რაოდენობა 60-მდე გაიზარდა - ქვეყანაში 3-დღიანი გლოვაა გამოცხადებული.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები