კახეთში, გორსა და გარდაბანში ძლიერი წვიმის შედეგად, საცხოვრებელი სახლები და ეზოები დაიტბორა

2018-07-23 11:10:27, 753 ნახვა

რეგიონი

კახეთში, გორსა და გარდაბანში, ძლიერი წვიმის შედეგად, საცხოვრებელი სახლები და ეზოები დაიტბორა.

კერძოდ, საგანგებო სიტუაციების მართვის სამსახურის ინფორმაციით, კახეთში დაიტბორა სიღნაღისა და ლაგოდეხის ოთხი სოფელი. რეგიონიდან 112-ში სულ 6 შეტყობინება შემოვიდა. საცხოვრებელი სახლებიდან წყლის ამოტუმბვითი სამუშაოები დასრულებულია.

გორში საცხოვრებელი სახლებისა და ეზოების დატბორვის შესახებ უწყებაში 18 შეტყობინება შევიდა. მაშველებმა 3 ოჯახის ევაკუირება მოახდინეს და ისინი უსაფრთხო ადგილზე გადაიყვანეს. ამ დროისთვის, გორში მიმდინარეობს საცხოვრებელი სახლების სარდაფებიდან წყლის ამოტუმბვითი სამუშაოები.

გარდაბანში სოფელ კრწანისში ასევე დაიტბორა საცხოვრებელი სახლები და ეზოები. მაშველების მიერ 11 ოჯახიდან განხორციელდა 15 ადამიანის ევაკუაცია.

სოფელ კრწანისში, საცხოვრებელი სახლებიდან წყლის ამოტუმბვითი სამუშაოები დილის 06:00 საათიდან განახლდა.

„სტიქიის შედეგად, არცერთ ქალაქში მოქალაქეები არ დაშავებულან. საგანგებო სიტუაციების მართვის სამსახური განსაკუთრებულ რეჟიმში მუშაობას განაგრძობს“, - აცხადებენ უწყებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები