აჭარის ავტონომიური რესპუბლიკის მთავრობის თავმჯდომარე ზურაბ პატარაძემ თანამდებობა დატოვა.

ამის შესახებ მან აჭარის მთავრობის ადმინისტრაციაში გამართულ ბრიფინგზე განაცხადა.

„მე დღეს მივიღე გადაწყვეტილება და ვტოვებ აჭარის ავტონომიური რესპუბლიკის მთავრობის თავმჯდომარის პოსტს. ეს გადაწყვეტილება მიღებულია გუნდურად, ჩვენ გვქონდა მსჯელობა ამ საკითხზე გუნდში. მინდა ხაზგასმით აღვნიშნო, მე ვიყავი, ვარ და ვიქნები „ქართული ოცნების“ წევრი და გუნდთან ერთად ძალიან ბევრ საქმეს გავაკეთებ მომავალში ჩვენი ქვეყნის და რეგიონის საკეთილდღეოდ. მინდა მადლობა გადავუხადო „ქართულ ოცნებას“ რომელმაც მე მომცა საშუალება დავბრუნებულიყავი ჩემს მშობლიურ აჭარაში და სიკეთეები და ბევრი საქმე მეკეთებინა ჩვენი მოსახლეობის საკეთილდღეოდ. ასევე, არ ვიქნები მართალი, რომ მადლობა არ გადავუხადო საკანონმდებლო ორგანოს, უშუალოდ უმაღლეს საბჭოს, აღმასრულებელ ხელისუფლებას. ერთგულად და ერთ გუნდად ვაგრძელებთ მუშაობას და მომავალშიც გავაგრძელებთ. ასევე მინდა მადლობა გადავუხადო ჟურნალისტებს, არასამთავრობო ორგანიზაციებს და ყველა დიდი მადლობა მინდა გადავუხადო ჩვენს მოსახლეობას“, - განაცხადა ზურაბ პატარაძემ.

პატარაძის გადადგომამ აჭარის მინისტრთა კაბინეტის ავტომატური გადადგომაც გამოიწვია.

ცნობისთვის, ზურაბ პატარაძემ აჭარის ავტონომიური რესპუბლიკის მთავრობის თავმჯდომარის პოსტი 2016 წლის 14 ივლისს დაიკავა.

ავტორი: ,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა