საქართველოს იუსტიციის სამინისტროში მედიაციის საკითხებზე მომუშავე ბელგიელი ექსპერტი, ლეუვენის უნივერსიტეტის კრიმინოლოგიის ფაკულტეტის ხელმძღვანელი  ივო ერცენი სახელწმიფო უწყებების წარმომადგენლებს შეხვდა. 

როგორც „ექსპრესნიუსს“ დანაშაულის პრევენციის ცენტრიდან აცნობეს, შეხვედრის  მიზანია  ზრდასრულ სამართალდამრღვევსა და დაზარალებულს, ასევე პატიმარსა და დაზარალებულს  შორის მედიაციის ბელგიური მოდელის გაცნობა, მათი გამოცდილების გაზიარება და საქართველოში  მედიაციის განვითარების სამომავლო პერსპექტივაზე მსჯელობა.

ივო ერცენი თბილისში იუსტიციის სამინისტროს სსიპ „დანაშაულის პრევენციის ცენტრის“ მოწვევით იმყოფება. სამუშაო ვიზიტი ევროკავშირის პროექტის „სისხლის სამართლის სისტემის  რეფორმის მხარდაჭერა საქართველოში“ ხელშეწყობით  იმართება.

როგორც დანაშაულის პრევენციის ცენტრის დირექტორმა ჯონი კვინიკაძემ განაცხადა, ამ ვიზიტის მნიშვნელოვანი ნაწილი იქნება მედიაციის სფეროში ახალი ინსტრუმენტების შემუშავება და დანერგვა.

„ბელგიური მოდელისა და გამოცდილების გაზიარებით, შესაძლებელია შესაბამისი მექანიზმებისა და სამართლებრივი ბაზის მომზადება, ასევე კვალიფიციური კადრების გადამზადება. ივო ერცენმა დანაშაულის პრევენციის ცენტრის მედიაციის სახლში პრაქტიკოს მედიატორებთან ორდღიანი სამუშაო შეხვედრები უკვე გამართა, რომლებსაც იუსტიციის სასწავლო ცენტრის, გაეროს ბავშვთა ფონდის „იუნისეფის“ საქართველოს ოფისის და პროექტ „ჰარმონიის“ წარმომადგენლები დაესწრნენ“, - განაცხადა ჯონი კვინიკაძემ.

ორდღიანი სამუშაო ჯგუფის თემა იყო „სასწავლო კურსის მოდულის შემუშავება სისხლის სამართლის მართლმსაჯულების სფეროში მედიაციის ინსტრუმენტის ფართო გამოყენებისთვის“.

ამ ეტაპზე, მედიაცია, როგორც აღდგენითი მართლმსაჯულების ინსტრუმენტი, არასრულწლოვანთა განრიდებისა და მედიაციის პროგრამაში გამოიყენება. პროგრამა საქართველოში 2010 წელს დაიწყო. 2012 წლიდან პროგრამის მენეჯმენტს იუსტიციის სამინისტროს სსიპ „დანაშაულის პრევენციის ცენტრი“ ახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი