თეა წულუკიანი: საქართველოში სააკაშვილის ექსტრადირების შანსი სამართლებრივად ამოწურულია

2015-06-01 09:14:19, 418 ნახვა

პოლიტიკა

„უკრაინის მოქალაქეობის მიღებით მიხეილ სააკაშვილის ექსტრადირების საკითხი საქართველოში სამართლებრივად ამოწურულია“,-ამის შესახებ საქართველოს იუსტიციის მინისტრმა თეა წულუკიანმა ჟურნალისტებს განუცხადა.

მისივე თქმით, ფორმალურად სააკაშვილი ჯერ კიდევ საქართველოს მოქალაქეა.

„პროცედურა არის შემდეგი - ჩვენ ან ჩვენით უნდა გამოვითხოვოთ ავთენტური დამოწმებული ასლი პრეზიდენტ პოროშენკოს აქტის, რის საფუძველზეც დაიწყება ოფიციალურად მოქალაქეობის შეწყვეტის პროცედურა, რადგან ფორმალურად სააკაშვილი დღეს მოქალაქეა, თუმცა ფაქტობრივად მოქალაქეობა აღარ ეკუთვნის. სააკაშვილის ოდესაში გადაგზავნით ის მოარიდეს კიევს. რადგან სააკაშვილმა მიიღო უკრაინის მოქალაქეობა, ჩვენთვის მისი უკრაინიდან საქართველოში ექსტრადიციის შანსი, სამართლებრივად ამოწურულია“,-განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან