„დღეს ჩემთვის საქართველოს მოქალაქეობა მატროსოვის  6 კვადრატულ მეტრს და საკანში ჯდომას  ნიშნავს“,-ამის შესახებ საქართველოს ყოფილმა პრეზიდენტმა მიხეილ სააკაშვილმა  „იმედის კვირასთან“  საუბრისას განაცხადა.

როგორც სააკაშვილმა აღნიშნა, უკრაინის კანონმდებლობის მიხედვით, ორი წლის განმავლობაში, მას შეუძლია ორმაგი მოქალაქეობა ჰქონდეს.

„ვფიქრობ, ორი წელი საკმარისზე მეტი ვადაა. საქართველოში მოქალაქეობის ჩამორთმევა არის პრეზიდენტის საქმე, თუ საქართველოს პრეზიდენტი გადაწყვეტს, რომ მოქალაქეობა ჩამომართვას, დარწმუნებული ვარ, ესეც არ იქნება გადამწყვეტი ფაქტორი, რადგან იმ მომენტში, როდესაც დავრბრუნდები საქართელოში და ეს მოხდება ბევრად უფრო ჩქარა, ვიდრე ვინმეს წარმოუდგენია, ხალხი როგორც გააუქმებინებს სისხლის სამართლის საქმეებს, რომელიც ჩემზეა აღძრული, ასევე იზამს მოქალაქეობაზე. 
ედუარდ შევარდნაძე არ ყოფილა საქართველოს მოქალაქე, როდესაც ჩამოვიდა და გახდა ლიდერი, ივანიშვილი არ ყოფილა მოქალაქე როცა დარბოდა და საარჩევნო კამპანიებს ატარებდა და გახდა ლიდერი, ასე რომ, ეს მოქალაქეობა არავისთვის ყოფილა დამაბრკოლებელი და რაღა ჩემთვის გახდება?
დღეს ჩემთვის საქართველოს მოქალაქეობა ნიშნავს მატროსოვის 6 კვადარატულ მეტრს, საკანში ჯდომას, სხვა ჩემს მეგობრებთან ერთად“,-განაცხადა მიხეილ სააკაშვილმა.

ცნობისთვის, საქართველოს ექს პრეზიდენტი მიხეილ სააკაშვილი უკრაინაში  ოდესის ოლქის გუბერნატორად  დაინიშნა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა