მთავრობის ახალი სტრუქტურის პრეზენტაცია ხვალ გაიმართება

2018-06-25 15:03:29, 1010 ნახვა

პოლიტიკა

"ჩვენი სამინისტროების რაოდენობა არ იქნება 11-ზე მეტი. ეს არის ოპტიმალური რაოდენობა", - ამის შესახებ პრემიერ-მინისტრმა მამუკა ბახტაძემ განაცხადა.

პრემიერის თქმით, ხვალ ჩატარდება ბრიფინგი, სადაც ის დეტალურად ისაუბრებს, როგორი ახალი სტრუქტურით წარდგება პარლამენტის წინაშე.

"ჩვენ ხვალ ჩავატარებთ მთავრობის სხდომას, მანამდე კი მექნება ბრიფინგი, სადაც დეტალურად ვისაუბრებ, როგორი ახალი სტრუქტურით წარვდგებით საქართველოს პარლამენტის წინაშე. ჩვენი სამინისტროების რაოდენობა არ იქნება 11-ზე მეტი. ეს არის ოპტიმალური რაოდენობა იმისთვის, რომ ჩვენ ეფექტურად გავუმკლავდეთ ჩვენი ქვეყნის ეკონომიკის წინაშე დღეს არსებულ გამოწვევებს. ახალი სტრუქტურის პრეზენტაცია გვექნება ხვალ, ხოლო მთავრობის განახლებულ შემადგენლობას პარლამენტში წარვადგენთ", - განაცხადა მამუკა ბახტაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები