მეუფე პეტრე პატრიარქის მოსაყდრეზე: ველოდები, რომ უწმინდესი მოგვცემს განმარტებებს

2018-06-21 12:39:53, 699 ნახვა

კომენტარი

„ველოდები, რომ უწმინდესი მოგვცემს განმარტებებს მის გადაწყვეტილებასთან დაკავშირებით“, - ასე უპასუხა ჭყონდიდისა და მარტვილის მიტროპოლიტმა პეტრე ცაავამ ჟურნალისტების კითხვას „იქნება თუ არა მსჯელობა მეუფე შიოს თანამოსაყდრეობის საკითხზე“.

როგორც მან აღნიშნა, ძალიან ბევრი საკითხია დაგროვილი, რომელსაც სინოდის დღევანდელ სხდომაზე განიხილავენ.

„საკითხები ძალიან ბევრი დაგროვდა ბოლო რვა თვის განმავლობაში, რაც სინოდის სხდომა ჯერ არ ჩატარებულა. აქედან გამომდინარე დაველოდოთ კრებას. სინოდი იმიტომ იკრიბება, რომ კრებაზე იქნას საკითხები განხილული.

დღეს არის ძალიან მნიშვნელოვანი დღე, წმინდა მღვდელი თეოდორეს ხსენებისა. მღვდელი, რომელმაც თავი გასწირა ერისა და მეფის გადასარჩენად. მე შევთხოვ უფალს, მისი შეწევნით, დალოცოს წმინდა სინოდის სხდომა და ბევრი მომადლოს საქართველოს ეკლესიას და ერს ერისათვის თავდადებული ადამიანები“, - განაცხადა მეუფე პეტრემ.

შეგახსენებთ, რომ წმინდა სინოდის სხდომა წელს პირველად იმართება. სხდომას კათოლიკოს პატრიარქი, ილია მეორე უხელმძღვანელებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები