„ეს მასკარადი, როდესც ინიშნებიან ადამიანები და რეალურად გადაწყვეტილების მიმღები თურმე არის პარტია, ჩემი აზრით ავნებს საქართველოს ევროპულ არჩევანს და სტაბილურობას“, - ამის შესახებ საქართველოს პრეზიდენტმა გიორგი მარგველაშვილმა პრემიერის და მთავრობის გადადგომასთან დაკავშირებით განაცხადა.

მარგველაშილმა მმართველ გუნდს მიმართა და პრემიერად იმ ადამიანის დასახელებისკენ მოუწოდა, რომელიც პარტიის ლიდერია.

„მოვუწოდებ საქართველოში პასუხისმგებლიან პოლიტიკურ ძალებს, აიღონ თვიანთი პასუხისმგებლობა საზოგადოების წინაშე, მათ შორის მმართველი პარტიას ყველაზე მეტად და დაასახელონ პრემიერ მინისტრად ის ადამიანები, რომელიც არის პარტიის ლიდერი, რომელთანაც მე მიმუშავია როგორც პრემიერ მინისტრთან, მინისტრის რანგში და შემიძლია, ვთქვათ რომ ის ყველაზე კარგი პრემიერ მინისტრი იყო ჩემი გამოცდილებით. ბიძინა ივანიშვილთან ვმუშაობდი მე როგორც მინისტრი და თანამშრომლობა ძალიან საინტერესო და ეფექტური იყო მაგრამ ეს მასკარადი როდესც ინიშნებიან ადამიანები და რეალურად გადაწყვეტილების მიმღები თურმე არის პარტია და ეს არ გამოიხატება რეალურ ცხოვრებაში  ჩემი აზრით ავნებს საქართველოს,  საქართველოს ევროპულ არჩევანს და ავნებს საქართველოს სტაბილურობას“, - განაცხადა გიორგი მარგველაშვილმა.

შეგახსენებთ, საქართველოს პრემიერ-მინისტრმა გიორგი კვირიკაშვილმა თანამდებობა დატოვა, რის შედეგადაც, უფლებამოსილება მინისტრთა კაბინეტის ყველა წევრს შეუწყდა. პრეზიდენტმა მთავრობისათვის მოვალეობის დაკისრების შესახებ განკარგულება გუშინვე გამოსცა. პრემიერ-მინისტრობის ახალი კანდიდატი მმართველმა გუნდამ პრეზიდენტს 7 დღის ვადაში უნდა წარუდგინოს.

ავტორი: ,

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა