საქართველოს სახალხო დამცველმა უჩა ნანუაშვილმა, სასტუმრო „ქორთიარდ მარიოტში“ ადამიანის უფლებათა და თავისუფლებათა დაცვის შესახებ ყოველწლიური ანგარიში წარადგინა.

როგორც ნანუაშვილმა აღნიშნა, დღევანდელი საჯარო დებატები და ანგარიში მნიშვნელოვანია იმით, რომ საქართველოს პრეზიდენტი გიორგი მარგველაშვილი ესწრება.

„ჩვენ ვსაუბრობთ იმ გამოწვევებზე, რომელიც ქვეყანაში არსებობს ადამიანის უფლებათა დაცვის  თვალსაზრისით. ძალიან მნიშვნელოვანია, რომ ასეთი სივრცეები შეიქმნას ქვეყანაში, სადაც ასეთი დებატები იქნება“, - აღნიშნა ნანუაშვილმა.

სახალხო დამცველის თქმით, ქვეყნის ერთ-ერთი მთავარი გამოწვევა და რეკომენდაცია საგამოძიებო ორგანოებს ეხება.

„ერთ-ერთი მთავარი გამოწვევა და რეკომენდაცია ეხება საგამოძიებო ორგანოებს, მათ საქმიანობას. რა თქმა უნდა ჩვენს ამ მხრივ ვაგრძელებთ მუშაობს და პრობლემები რეალურად მცირდება ამ მიმართულებით. ცალკე საუბრის საგანია ტოლერანტობის არ არსებობა“, - განაცხადა ნანუაშვილმა.

მან ასევე ქალთა მიმართ ძალადობის ფაქტებზე და სტატისტიკაზე ისაუბრა.

„ქალთა მიმართ ძალადობის ფაქტები და ამ კუთხით სამწუხარო სტატისტიკა, ეს შეიძლება გამოიყოს, როგორც ერთ-ერთი სერიოზული პრობლემა“, - განაცხადა სახალხო დამცველმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი