აჭარის კულტურული მემკვიდრეობის დაცვის სააგენტოს ხელმძღვანელმა მირზა ცეცხლაძემ და სააგენტოს თანამშრომლებმა შუახევის მერიაში, მუნიციპალიტეტის მერთან ფრიდონ ფუტკარაძესთან და მერიის განათლების, კულტურის, სპორტის, ტურიზმისა და ახალგაზრდობის საქმეთა სამსახურის თანამშრომლებთან სამუშაო შეხვედრა გამართა.

შეხვედრის მიზანს სამომავლოდ ეფექტური თანამშრომლობა წარმოადგენდა:

კულტურული მემკვიდრეობის მოვლა-პატრონობის კუთხით თანამშრომლობა, რაც გულისხმობს სამომავლოდ სააგენტოს მიერ ძეგლის სარეაბილიტაციო პროექტის შესყიდვას და მუნიციპალიტეტის მერიის მიერ სამუშაოების ჩატარების უზრუნველყოფას;

კულტურული ობიექტების გამოვლენა და ინფორმაციის შეგროვება;

ინფორმაციის მოწოდება ძეგლებზე უნებართვო სამუშაოებთან დაკავშირებით;

კულტურული მემკვიდრეობის დამცავ ზონებში მშენებლობის ნებართვის გაცემის პროცესში ,,ზონალური საბჭოს’’ ჩართულობის უზრუნველყოფა;

დღესვე აჭარის კულტურული მემკვიდრეობის დაცვის სააგენტოს წარმომადგენლებმა სააგენტოში დაცული და დამუშავებული შესაბამისი საინფორმაციო ბაზა გადასცა მერიას, რომელიც თითოეული ძეგლის შესახებ შეიცავს ტექსტურ და გრაფიკულ მონაცემებს, ფოტომასალას და ელექტრონულ რუკებს.

შუახევის მუნიციპალიტეტში 10 ძეგლია, მათ შორის ორი ფურტიოს და ჭვანის თაღოვანი ხიდი, რომელიც არის ეროვნული მნიშვნელობის კულტურული მემკვიდრეობის ძეგლი.

(NS)

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს