2018-06-05 10:50:27, 1188 ნახვა
სამართალი
ხორავას ქუჩაზე მომხდარი მკვლელობის საქმეზე დროებითი საგამოძიებო კომისიის შემადგენლობა ხვალ დამტკიცდება
ხორავას ქუჩაზე მომხდარი მკვლელობის საქმეზე დროებითი საგამოძიებო კომისიის შემადგენლობა ხვალ, პარლამენტის პლენარულ სხდომაზე დამტკიცდება.
„ევროპული საქართველოს“ წევრის ხათუნა გოგორიშვილის განცხადებით, კომისიისთვის ინფორმაციის მიწოდება ნებისმიერი თანამდებობის და იურიდიული პირისთვის სავალდებულო იქნება.
„სხდომაზე გამოცხადდება და კომისიისთვის ინფორმაციის მიწოდება ნებისმიერი თანამდებობის და იურიდიული პირისთვის სავალდებულო იქნება. ჩვენ ყველაფერს გავაკეთებთ, რომ საგამოძიებო კომისიამ მაქსიმალურად შემჭიდროვებულ ვადებში რაც შეიძლება მეტი ინფორმაცია მოიპოვოს“, - განაცხადა ხათუნა გოგორიშვილმა.
საგამოძიებო კომისიას „ევროპული საქართველოს“ წევრი, პარლამენტის ვიცე-სპიკერი სერგი კაპანაძე უხელმძღვანელებს. ამასთანავე, 17 კაციან კომისიაში 9 დეპუტატი „ევროპული საქართველოდან“ იქნება.
![]()
ავტორი: ,
epn.ge (@expressnews.ge)
