რუსთავში უხვი ნალექის შედეგად დატბორილი საცხოვრებელი  კორპუსების სარდაფებიდან და სავაჭრო ობიექტებიდან,  წყლის ამოტუმბვითი სამუშაოები ამ დრომდე გრძელდება.

როგორც „ექსპრესნიუსს“ საგანგებო სიტუაციების მართვის სამსახურში განუცხადეს, მეხანძრე-მაშველები ამოტუმბვით სამუშაოებს თორდიას, ტაბიძის და ტურგენევის ქუჩაზე  ახორციელებენ. 

მათივე ინფორმაციით,  რუსთავიდან 112-ში გუშინდელი დღიდან ამ დრომდე  500-მდე გამოძახება შევიდა. 

რუსთავში თბილისიდან დამატებითი ძალების მობილიზება მოხდა,  რათა მაქსიმალურად მოკლე დროში მოხერხდეს წყლის ამოტუმბვითი სამუშაოების დასრულება.  სტიქიის შედეგად არავინ დაშავებულა.

შეგახსენებთ, რომ  რუსთავში იაღლუჯის მთიდან ჩამოწოლილმა ქვაღორღმა სანიაღვრე სისტემა დააბინძურა, რის გამოც ქალაქის ქუჩები დაიტბორა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს