ფრანგი ინსტრუქტორების დახმარებით, ახალი, ფრანგული კურსის ანალოგი - სამთო ტაქტიკური კურსის განვითარების მეორე ფაზა მიმდინარეობს.

თავდაცვის სამინისტროს ინფორმაციით, აღნიშნული კურსი სამთო ტაქტიკაში, მაღალმთაში ბრძოლების წარმოების მიზნით, ქვეითი ოცეულების მომზადებას ითვალისწინებს. საჩხერის სამთო მომზადების სკოლაში დღეს თავდაცვის მინისტრი იმყოფებოდა, რომელიც სამთო ტაქტიკური კურსის დაწყებისა და მიმდინარეობის პროცესს გაეცნო. 

მოგვიანებით ლევან იზორიამ სამწყობრო მოედანზე შეკრებილ სამხედრო მოსამსახურეებსა და საქართველოში აკრედიტებული თავდაცვის ატაშეების ასოციაციის წარმომადგენლებს სიტყვით მიმართა. მინისტრმა სამთო მომზადების სკოლის ჩამოყალიბებისა და წლების განმავლობაში გაწეული დახმარებისთვის ფრანგულ მხარეს მადლობა გადაუხადა და ქართული მხარისთვის კურსის მნიშვნელობაზე გაამახვილა ყურადღება. ლევან იზორიას განცხადებით, სამთო ტაქტიკური კურსის დაწყებით, საჩხერის სამთო მომზადების სკოლა თვისობრივად განვითარების ახალ ეტაპზე გადავიდა. პირად შემადგენლობას კურსის დაწყება პოლკოვნიკმა ნიკოლოზ ჯანჯღავამ და საქართველოში საფრანგეთის რესპუბლიკის ელჩმაც მიულოცეს. მათ თავდაცვის სფეროში, განსაკუთრებით სამთო მიმართულების გაძლიერების კუთხით, ორ ქვეყანას შორის ინტენსიური თანამშრომლობა ხაზგასმით აღნიშნეს. 

ღონისძიებაზე საფრანგეთის ელჩი, პასკალ მენიე და თავდაცვის ატაშე, პოლკოვნიკი ოლივიე მადიო საჩხერის სამთო მომზადების სკოლისა და საქართველოს შეიარაღებული ძალების წინაშე გაწეული ღვაწლისთვის დააჯილდოვეს. ლევან იზორიამ საფრანგეთის ელჩს სპეციალური სიგელი, ხოლო თავდაცვის ატაშეს მედალი „გენერალი კვინიტაძე“ გადასცა.

(NS)

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი