მარგველაშვილი: ბიძინა ივანიშვილის ფორმალურ პოლიტიკაში შემოსვლა სწორი და კარგი ნაბიჯია

2018-05-03 22:34:38, 1752 ნახვა

კომენტარი

ბიძინა ივანიშვილის ასე ვთქვათ, ფორმალურ პოლიტიკაში შემოსვლის თაობაზე გეტყვით - ვფიქრობ, რომ ეს სწორი და კარგი ნაბიჯი, - ამის შესახებ საქართველოს პრეზიდენტმა გიორგი მარგველაშვილმა გადაცემა "რეაქციაში" განაცხადა.

როგორც პრეზიდენტმა აღნიშნა, ბიძინა ივანიშვილის არაფორმალური მმართველობა გახდა ის საკითხი, რომელსაც ქვეყანას „აძახებენ“

"მე ცოტა ხნის წინ ამის თაობაზე მქონდა ინტერვიუ და ვთქვი, რომ როდესაც დაიდო „ფრიდომ ჰაუსი“ და სახელმწიფო დეპარტამენტი და როდესაც ნეგატიური ანგარიში იყო და არაფორმალური მმართველობა ფიგურირებდა, მაშინ ძალიან მარტივად ვთქვი, რომ რით ვერ ჩამოაყალიბეს ექვსი თუ ხუთი წლის განმავლობაში მესიჯი - არის ბიძინა ივანიშვილი პოლიტიკაში, თუ არ არის?! იმიტომ კი არა, რომ არის, თუ არა - ეს არის გადამწყვეტი, იმიტომ, რომ ეს ეს ქვეყნისთვის გახდა რაღაც ისეთი თემა, რომელსაც ქვეყანას აძახებენ. ამ კონტექსტიდან გამომდინარე კარგია, რომ დაბრუნდა და ეს საკითხი მოიხსნება“, - განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები