2018-05-01 12:13:52, 2479 ნახვა
მსოფლიო
ერევანში მომიტინგეები მორიგ აქციას მართავენ
ერევანში რესპუბლიკის მოედანზე მომიტინგეები მორიგ აქციას მართავენ, - ამის შესახებ "რია ნოვოსტი" იუწყება.
მედია საშუალების ინფორმაციით, აქციაზე ასობით ადამიანია შეკრებილი. გარდა ამისა, მოედანზე ეკრანებია დამონტაჟებული, სადაც პარლამენტის საგანგებო სხდომის ტრანსლაცია იგეგმება. აღნიშნულ სხდომაზე სომხეთის პარლამენტი ახალ პრემიერ-მინისტრს აირჩევს.
მედიის ცნობით, ერევნის ცენტრალურ ქუჩებში ავტოკოლონები მოძრაობენ, რომლებსაც სომხეთის დროშა აქვთ აღმართული.
შეგახსენებთ, რომ სომხეთის ყოფილი პრემიერ-მინისტრი სერჟ სარგსიანი ტანამდებობიდან 23 აპრილს გადადგა. მის გადადგომას წინ უძღვებოდა რამდენიმედღიანი ანტისამთავრობო აქციები.
ცნობისთვის, ოპოზიციამ პრემიერ-მინისტრობის კანდიდატად აქციების მთავარი ორგანიზატორი ნიკოლ ფაშინიანი წარადგინა.
![]()
ავტორი: ,
epn.ge (@expressnews.ge)
