უფროს სერჟანტ ზაზა ფერაძის სახელობის საწყისი საბრძოლო მომზადების ცენტრში ღია კარის დღე გაიმართა. საკონტრაქტო სამხედრო სამსახურის რეკრუტებმა, რომლებიც საწყისი საბრძოლო მომზადების კურსს გადიან, საჩვენებელ სწავლებაში მიიღეს მონაწილეობა. ღონისძიების დაწყებამდე მათ ჯარისკაცის მრწამსი წაიკითხეს.

სპეციალური სავარჯიშოები რამდენიმე სასწავლო უბანზე ჩატარდა. რეკრუტებს ოჯახის წევრებისა და ახლობლების წინაშე ბრძოლის ველზე სამწყობრო და ფიზიკური მომზადების დემონსტრირების შესაძლებლობა მიეცათ. ინსტრუქტორების დახმარებით მათ სტუმრებს ბრძოლის ველზე გადაადგილების, ასევე, დაბრკოლებათა ზოლის გადალახვის ხერხები წარუდგინეს. 
საჩვენებელი სწავლების დროს დაბრკოლებათა ზოლის გადალახვაში საკუთარი ძალების მოსინჯვის საშუალება რეკრუტების ოჯახის წევრებსაც ჰქონდათ.

ალგეთში ათკვირიან საწყის საბრძოლო მომზადებას (BCT) ამჟამად სხვადასხვა რეგიონიდან სავალდებულო სამხედრო სამსახურში გაწვეული 145 და საკონტრაქტო სამსახურში მყოფი 350 სამხედრო მოსამსახურე გადის. 
ღია კარის დღის ფარგლებში გამართულ ღონისძიებაში, 2018 წელს სამხედრო საკონტრაქტო სამსახურში პირველ ეტაპზე გაწვეული სამხედრო მოსამსახურეები მონაწილეობდნენ.

საბრძოლო მომზადების კურსის დასრულებისა და 26 მაისს ფიცის დადების შემდეგ, ისინი სხვადასხვა ქვედანაყოფში გადანაწილდებიან და ოთხწლიან საკონტრაქტო სამხედრო სამსახურს გაივლიან. 

ალგეთის საწვრთნელ ბაზაზე ზაზა ფერაძის შვილები - დემეტრე და ანასტასია, მათი პედაგოგები და ქალაქ რუსთავის კერძო სკოლა „მილენიუმის“ სხვა მოსწავლეებიც იმყოფებოდნენ.

(NS)

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი