კახა კუჭავა: მაქსიმალურად უნდა მოხდეს ქაოტურ განაშენიანებებთან ბრძოლა

2018-03-28 15:38:38, 1238 ნახვა

კომენტარი

პარლამენტში დედაქალაქის მიწათსარგებლობის გენერალური გეგმის დოკუმენტის განხილვა დახურულ კარს მიღმა გრძელდება.

გარემოს დაცვის კომიტეტის თავმჯდომარე კახა კუჭავამ ჟურნალისტებთან საუბრისას ქალაქში ქაოტური განაშენიანების პრობლემის გადაჭრის მნიშვნელობაზე გაამახვილა ყურადღება:

“წლების განმავლობაში ქალაქში მიმდინარეობდა ქაოტური განაშენიანება, გადაწყვეტილებები, რომელსაც მერია იღებს, განსაკუთრებით მშენებლობის შეჩერებასთან დაკავშირებით, ეს საზოგადოების დაკვეთაც არის თავის მხრივ.მნიშვნელოვანია, ის რეკრეაციული და ლანდშაფტური ზონები, რომელიც ქალაქში არსებობს, შენარჩუნებული იქნას. არის იმის საშუალება, თუ ჯერ არ დაწყებულა მშენებლობა, რომ მშენებლობაზე ნებართვები გაუქმდეს, ჩემი აზრით, ეს მნიშვნელოვანია ქალაქის გამწვანების კუთხით. არის შემთხვევები, როდესაც ნაყიდი აქვთ კერძო საკუთრება, მაგრამ სტატუსია სარეკრეაციო, რაც თავისთავად არ ნიშნავს იმას, რომ სავალდებულოა შეიცვალოს სტატუსი. მაქსიმალირად უნდა მოხდეს ქაოტურ განაშენიანებებთან ბრძოლა",-აღნიშნა კახა კუჭავამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები