2018-03-27 13:19:10, 1318 ნახვა
კომენტარი
ელისაშვილი: ერთადერთი ხეირი, რაც ნარმანიას უღიმღამო მმართველობას დარჩა, თბილისის გენერალური გეგმაა
„ერთადერთი ხეირი ნარმანიას ნაცრისფერ და უღიმღამო მმართველიბას რაც დარჩა, ეს არის გენერალური გეგმა“, - ამის შესახებ საკრებულოს ყოფილმა დეპუტატმა ალეკო ელისაშვილმა განაცხადა.
ელისაშვილის თქმით, გენგეგმის დროული ამოქმედების შემთხვევაში ქალაქში არსებული ვითარება გამოსწორდებოდა.
"მე რასაც ვხედავ ამდენი ხნის განმავლობაში ეს არის ცეხავიკების ბრძოლა გენგეგმის წინააღმდეგ და ამ ცეხავიკების ბრძოლას, სათავეში სამწუხაროდ ბატონი კალაძე უდგას. აქამდე მე რასაც ვისმენდი, არ იყო არანაერი არგუმენტი. ეს არის შარის მოდება. შარის მოდების მიზანია, ეს გენგეგმა დაძირონ და ქალაქში გაგრძელდეს ის სამშენებლო ქაოსი და მავნებლობა, რაც აქამდე იყო",- განაცხადა ალეკო ელისაშვილმა.
ცნობისთვის, სასტუმრო "ბილტმორში" დედაქალაქის გენერალური გეგმის საჯარო განხილვა მიმდინარეობს.
![]()
ავტორი: ,
epn.ge (@expressnews.ge)
