საფრანგეთის ელჩი საქართველოში პასკალ მენიე აცხადებს, რომ არჩილ ტატუნაშვილის ცხედრის გადმოსვენებით პროცესი არ სრულდება.

მისი თქმით, დეფაქტო ხელისუფლებამ საქართველოსა და საერთაშორისო საზოგადოებას უნდა აუხსნას, თუ რა მოხდა სინამდვილეში.

„ჩვენთვის არჩილ ტატუნაშვილის ცხედრის გადმოსვენება არ არის დასასრული. მნიშვნელოვანია, რომ გარდაცვალების გარემოებები ნათელი გახდეს. დეფაქტო ხელისუფოლების წარმომადგენლებმა საქართველოსა და თანამეგობრობას უნდა აუხსნან, თუ რა მოხდა სინამდვილეში“,-აღნიშნა საფრანგეთის ელჩმა საქართველოში პასკალ მენიემ.

შეგახსენებთ,არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საერთაშორისო საზოგადოების მხრიდან უამრავი მოწოდებისა და საქართველოს ხელისუფლების მცდელობის მიუხედავად, ოჯახს ცხედარი 20 მარტამდე არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც 11 მარტამდე არ მიეცათ ქართული მხარის მიერ კონტროლირებად ტერიტორიაზე გადმოსვლის უფლება.

ავტორი: ,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება