თურქეთის არმიამ სირიის აფრინის რეგიონში ქალაქ ჯინდერესის ცენტრზე კონტროლი დაამყარა.

ადგილობრივი მედიის ცნობით, ჯინდერესი აფრინის ჩრდილო-დასავლეთ რეგიონის ყველაზე დიდი დასახლებაა. თურქეთის არმიამ და „სირიის თავისუფალი არმიის“ დანაყოფებმა ქალაქი მას შემდეგ აიღეს, რაც სირიელი ქურთების „სახალხო თავდაცვის დანაყოფები“ განდევნეს და ქალაქთან ახლოს მდებარე შემაღლებული ადგილი აიღეს. 

თურქეთის არმია იარაღით აღჭურვილ უპილოტო საფრენ აპარატებს იყენებს. თურქული მედიის ინფორმაციით, ქურთულმა ჯგუფებმა ქალაქის ტერიტორია დანაღმეს.

თურქეთის პრეზიდენტმა, რეჯეფ თაი ერდოღანმა განაცხადა, რომ ოპერაცია „ზეთისხილის რტოს“ ფარგლებში  3089 ტერორისტია ლიკვიდირებული. 

ქურთული საინფორმაციო სააგენტოების ცნობით, სამხედრო ოპერაციის ფარგლებში თურქეთის არმიის დაბომბვებს 165 მშვიდობიანი მოქალაქის სიცოცხლე ემსხვერპლა.

თურქეთი 20 იანვრის შემდეგ სირიის ჩრდილოეთში, აფრინის რეგიონში სამხედრო ოპერაციას აწარმოებს.

ავტორი: ,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა