2018-02-24 11:17:43, 1854 ნახვა
კომენტარი
არჩილ ტატუნაშვილის მამა: სიცრუეა რასაც იძახიან, გული საით ჰქონდა, არც იცოდა
ე.წ. სამხრეთ ოსეთში გარდაცვლილი არჩილ ტატუნაშვილის მამის გიორგი ტატუნაშვილის განცხადებით, მას არ სჯერა საოკუპაციო რეჟიმის მიერ გავრცელებული ვერსიის, რომ მისი შვილი გულის შეტევით გარდაიცვალა.
როგორც ტატუნაშვილმა ჟურნალისტებს განუცხადა, მისი შვილი საოკუპაციო რეჟიმის წარმომადგენლებმა მოკლეს.
„თითიდან გამოწოვილი სიცრუეა რასაც იძახიან, რომ გულით დაიღუპაო. გული საით ჰქონდა, არ იცოდა“,- განაცხადა გიორგი ტატუნაშვილმა.
ცნობისთვის, ცხინვალის საავადმყოფოში გვიან ღამით, საქართველოს მოქალაქე არჩილ ტატუნაშვილი გაურკვეველ ვითარებაში გარდაიცვალა. საგარეო საქმეთა სამინისტროს ინფორმაციით,საოკუპაციო რეჟიმმა 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში უკანონოდ დააკავა.
![]()
ავტორი: ,
epn.ge (@expressnews.ge)
