„თქვენი საპარლამენტო ცხოვრების წესი და პოლიტიკური საქმიანობა, არ მაძლევს იმის უფლებას, რომ სერიოზულად შევხედო თქვენს განცხადებას და გულწრფელობას“,- ასე გამოეხმაურა „ქართული ოცნების“ დეპუტატი ზაზა პაპუაშვილი „ევროპული საქართველოს“ წევრის ელენე ხოსტარიას გამოსვლას, რომელმაც აფგან მუხთარლის საქმეზე საგამოძიებო კომისიის შექმნის აუცილებლობაზე ისაუბრა.

პაპუაშვილმა მუხთარლის საკითხთან დაკავშირებით ხოშტარიას  წუხილს ყალბი უწოდა და ის პოლიტიკურ სპეკულაციებში დაადანაშაულა.

„რაღა საჭიროა კომისიის შემქნა, როცა თქვენ უკვე ყველაფერი იცით, რომელი მანქანიდან რომელ მანქანაში გადასვევს, სად მიყავდათ და ასე შემდეგ.  გამოგიძიებიათ ყველაფერი და მტკიცებით ფორმაში ლაპარაკობთ. ძალიან საყვარლად კი მოყევით ამ ჟურნალისტთან დაკავშირებით, თურმე პურის საყიდლად მიდიოდა, კაცმა რა დააშავა.  ასე პურის საყიდლად მიდიოდნენ და დროს სატარებლად და თავის შეყვარებულებთან შესახვედრად ის ახალგაზრდა ბიჭები თქვენ რომ ჩახოცეთ ქუჩებში და სადაც ხელი მიგიწვდათ.  მაშინ არანაირი კომისიის შექმნა არ მოგდომებიათ.  ეს მუხთარლი, რომელიც ათას საშინელ განცხადებას აკეთებს ჩემი ქვეყნის და სახელმწიფოს წინააღმდეგ, რატომ უნდა ვენდო მე მის სიტყვებს და არ ვენდო ჩვენ გამოძიებას, ჩემ კოლეგებს და რატომ უნდა გენდოთ თქვენ? თქვენ ყალბ აღშფოთებას და გულზე მჯიღის დაკვრას.  გაქვთ მორალურად ზნეობა იდგეთ მაგ ტრიბუნასთან და ასეთი კითხვები დასვათ?  გაქვთ თვენ რამე მტკიცებულება რომ აჯობოთ გამოძიებას და უსწრაფესად დადოთ ეს რეზულტატი?  თუ ეს მხოლოდ სპეკულაციისთვის გჭირდებათ და ქვეყნის ასარევად? აი ამიტომ არ ვუჭერ ამ კომიის შექმნას მე მხარს, თორემ სიმართლე მეც მაინტერესებს“,- აღნიშნა პაპუაშვილმა.

შეგახსენებთ, რომ „ევროპული საქართველო“ აზერბაიჯანელი ჟურნალისტის აფგან მუხთარლის  საქმეზე პარლამენტის საგამოძიებო კომისიის შექმნას ითხოვს. შესაბამისი საკითხი მათ პარლამენტის პლენარულ ხდომაზე დღეს კიდევ ერთხელ დააყენეს.

ავტორი: ,

სოციალური ქსელები

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა

სერბეთის პრეზიდენტი კათოლიკოს შიო III-ს შეხვდა

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით