2018-02-20 14:49:15, 2072 ნახვა
მსოფლიო
გიულენთან კავშირის ბრალდებით, თურქეთში კიდევ 170 ადამიანის დაკავების ორდერი გასცეს
სტამბოლის პოლიციამ 170 ადამიანის დაკავების ორდერი გასცა.
ისინი ამერიკაში მცხოვრები თურქი მქადაგებლის, ფეთჰულა გიულენის ორგანიზაციასთან კავშირში არიან ეჭვმიტანილნი.
Reuters-ის ინფორმაციით, ამ დროისთვის 22 ადამიანი დაკავებულია. ოპერაცია 38 პროვინციაში ერთდროულად მიმდინარეობს.
თურქეთში, სამხედრო გადატრიალების მცდელობა 2016 წლის 16 ივლისს მოხდა, რომლის დროსაც 230-ზე მეტი ადამიანი დაიღუპა, 2.1 ათასზე მეტი კი, დაშავდა. ხელისუფლების აზრით, ამის უკან სწორედ, გიულენი დგას.
ამის შემდეგ, ქვეყანაში მასობრივი დაკავებები და სამსახურიდან დათხოვნა დაიწყო.
დღეისათვის 50 ათასამდე ადამიანი პატიმარია. 150 ათასზე მეტი კი სამსახურიდან გაათავისუფლეს.
![]()
ავტორი: ,
epn.ge (@expressnews.ge)
