აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა ზაალ მიქელაძემ თურქეთის რესპუბლიკის გენერალურ კონსულთან მაქბულე ქოჩაქთან შეხვედრა გამართა და მას აჭარაში დიპლომატიური მისიის დაწყება მიულოცა.

შეხვედრაზე მინისტრმა და კონსულმა აჭარის ავტონომიურ რესპუბლიკასა და თურქეთის რესპუბლიკას შორის ჯანმრთელობის დაცვის სფეროში არსებულ და სამომავლო თანამშრომლობაზე ისაუბრეს.

აჭარის ჯანდაცვის სამინისტროს ინფორმაციით, თურქეთის მხარის ხელშეწყობით 2012 წლიდან აჭარაში აშენდა და სამედიცინო ინვენტარით აღიჭურვა სოფელ ცხემლარის თემის სამედიცინო პუნქტი, სრული რეკონსტრუქცია ჩაუტარდა და ასევე, ინვენტარით აღიჭურვა შშმ პირთა სარეაბილიტაციო ცენტრი. კეთილმოეწყო და სამედიცინო ინვენტარით აღიჭურვა ბათუმის ინფექციური პათოლოგიის, შიდსისა და ტუბერკულოზის რეგიონული ცენტრის A კორპუსი, რომელშიც სამედიცინო საქმიანობა უახლოეს დღეებში დაიწყება.

მაქბულე ქოჩაკმა აჭარაში დიპლომატიური საქმიანობა 2018 წლის იანვარში დაიწყო, ზაალ მიქელაძემ მომავალ საქმიანობაში წარმატება უსურვა.

(NS)

ავტორი: ,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი