შუახევის მუნიციპალიტეტის მერი ფრიდონ ფუტკარაძე მოადგილეთან რუსუდან შავაძესთან, საკრებულოს სოციალურ საკითხთა კომისიის თავმჯდომარე ზაზა დავითაძესთან და ბაგა-ბაღების გაერთიანების დირექტორთან ნათელა გოგიტიძესთან ერთად დაბის, ხიჭაურის და უჩამბის ბაგა-ბაღებს სტუმრობდა, სადაც არსებული ინფრასტრუქტურა დაათვალიერა, მენიუს და სააღმზრდელო პროცესს გაეცნო, დასაქმებულებს გაესაუბრა და ბაღებში საჭიროებების შესახებ ინფორმაციები პირადად მოისმინა.

დაბა შუახევის ბაგა-ბაღი რეაბილიტაციას საჭიროებს. შესაცვლელია შენობის სახურავი, გასარემონტებელია ოთახები, მოსაწესრიგებელია სველი წერტილები. ბაღში 4 ჯგუფი ფუნქციონირებს, მათ შორის 1 სასკოლო მზაობის ჯგუფია. 105 აღსაზრდელის სასკოლო განათლებაზე 28 ადგილობრივი დასაქმებული ზრუნავს.

ფრიდონ ფუტკარაძემ დაბის ბაგა-ბაღის დათვალიერების შემდეგ უახლოეს მომავალში სააღმზრდელო დაწესებულების რეაბილიტაცია დაანონსა.

ხიჭაურში თანამედროვე სტანდარტების ახალი ბაგა-ბაღი გასული წლის ოქტომბერში გაიხსნა. ბაგა-ბაღი სრულად აკმაყოფილებს თანამედროვე მოთხოვნებს, სადაც საუკეთესო პირობებია შექმნილი სააღმზრდელო პროცესისთვის. ადაპტირებულია შეზღუდული შესაძლებლობის მქონე პირებისთვის. დამონაჟებულია ცენტრალური გათბობის თანამედროვე სისტემა.ბაგა-ბაღში 56 აღსაზრდელი ირიცხება, ფუნქციონირებს 2 შერეული ასაკის ჯგუფი, დასაქმებულია 18 ადგილობრივი.

უჩამბის ბაღს 2016 წელს რეაბილიტაცია ჩაუტარდა. სააღმზრდელო დაწესებულება პირველი სართულიდან, მეორე სართულზე განთავსდა.პროექტის ფარგლებში მოეწყო სათამაშო და საძინებელი ოთახები, სამზარეულო, სველი წერტილები, სრულად შეიცვალა კარ–ფანჯარა და იატაკი, მოპირკეთდა გარე ფასადი. ბაღი ახალი ავეჯით, სათამაშოებით, ყველა საჭირო ინვენტარითა და ტექნიკით აღიჭურვა. უჩამბის ბაღში 2 შერეული ასაკის ჯგუფი ფუნქციონირებს, დასაქმებულია 12 ადგილობრივი.

დღეის მდგომარეობით შუახევში 10 ბაგა-ბაღია მოქმედი. მიმდინარე წელს დაგეგმილია ხაბელაშვილების და ბუთურაულის ბაღების მშენებლობა, მახალაკიძეების ბაღის რეაბილიტაცია.

,,შუახევის მუნიციპალიტეტის მერიის და პირადად ჩემი პრიორიტეტია საბავშვო ბაგა-ბაღების მოწესრიგება, ახლის მშენებლობები, რათა პატარები სათანადო პირობებში იყვნენ და მიიღონ შესაბამისი სწავლა-განათლება, შეიძინონ საჭირო უნარ-ჩვევები. მიმდინარე წელს დაგეგმილი გვაქვს რამოდენიმე ბაღის მშენებლობა-რეაბილიტაცია. ყველა ოჯახს უნდა მივცეთ საშუალება ატაროს ბავშვი საბავშვო ბაღში. ამ მიმართულებით ინტენსიურად ვაგრძელებთ მუშაობას. დღეის მდგომარეობით ბაღებში მდგომარეობა ნორმალურია, რეაბილიტაცია ესაჭიროება დაბის ბაღს და აუცილებლად მოსაგვარებელია ასევე ეზოების პრობლემა. სადაც მოსაწესრიგებელია ინფრასტრუქტურა, ან შესაძენია რაიმე ნივთი, ამ საკითხების მოგვარებას შესაბამის სამსახურებს დავავალებ, რათა დროულად მომზადდეს პროექტი და ხარჯთაღრიცხვა“, - განაცხადა ფრიდონ ფუტკარაძემ.

(NS)

ავტორი: ,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად