საქართველოს კომუნიკაციების ეროვნულმა კომისიამ ტელეკომპანია „TV3“-ის, „პირველი რადიოს“ და რადიო „ მწვანე ტალღის“ სამაუწყებლო ლიცენზიებს მოქმედების ვადა მომდევნო ათი წლით გაუგრძელა.

კომუნიკაციების ეროვნული კომისიის ინფორმაციით, შპს „TV3“-ის თანამგზავრული სისტემების გამოყენებით კერძო საერთო მაუწყებლობის N B84 ლიცენზიას მოქმედების ვადა მომდევნო ათი წლით გაუგრძელდა. კომპანიამ სალიცენზიო მოსაკრებელის გადახდის დამადასტურებელი დოკუმენტი (2000 ლარი) წარადგინა.

"შპს „რადიო კომპანია პირველი რადიოს“ N B79 კერძო საერთო რადიო მაუწყებლობის ლიცენზიას, რომლის ფარგლებშიც კომპანია ქ. ბათუმში, ქ. ქუთაისში, ქ. სენაკში, ქ. ახალციხეში, ქ. გორში და ქ. მარნეულში მაუწყებლობს, ლიცენზიის მოქმედების ვადა მომდევნო ათი წლით გაუგრძელდა. კომპანიამ კომისიის მიერ წინასწარ განსაზღვრული გრაფიკით სალიცენზიო გადასახდელი 36 855 ლარი საქართველოს ცენტრალურ სახელმწიფო ბიუჯეტში უნდა ჩარიცხოს.
შპს ტელე-რადიო კომპანია „მწვანე ტალღა“ N B75 კერძო საერთო რადიო მაუწყებლობის ლიცენზიის ფარგელბში შემდეგ ქალაქებსა და დაბებში მაუწყებლობს: ქ. გორი, ქ. ქუთაისი, ქ. ზუგდიდი, ქ. ბათუმი, ქ. თელავი, ქ. ბორჯომი, ქ. ბაკურიანი, ქ. ახალქალაქი, ქ. ახალციხე, ქ. ფასანაური, დაბა გუდაური, ქ. სტეფანწმინდა, ქ. დმანისი, დაბა წყარო და ქ. ჭიათურა. აღნიშნულ რადიომაუწყებლობის ლიცენზიას მოქმედების ვადა მომდევნო ათი წლით გაუგრძელდა და კომპანიამ საქართველოს ცენტრალურ სახელმწიფო ბიუჯეტში, კომისიის მიერ წინასწარ განსაზღვრული გრაფიკით, ლიცენზიით სარეგბლობის გადასახდელი 67 392 ლარი უნდა გადაიხადოს",-ნათქვამია კომუნიკაციების ეროვნული კომისიის განცხადებაში.

სამივე გადაწყვეტილების ვრცელი ვერსია,  კომისიის გადაწყვეტილებების გვერდზე შეგიძლიათ იხილოთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს