თბილისისა და ბათუმის შემდეგ „ჯასთ კაფე" ამიერიდან ქუთაისის იუსტიციის სახლის სტუმრებსაც მოემსახურება.

31 იანვარს „ჯასთ კაფეს" პრეზენტაცია იუსტიციის სახლის აღმასრულებელმა დირექტორმა, გივი აზაურაშვილმა გამართა. 

აღსანიშნავია, რომ ქუთაისის იუსტიციის სახლში მისული სტუმრები ასობით სერვისს კიდევ უფრო კომფორტულ გარემოში მიიღებენ. იუსტიციის სახლი მომხმარებლების კომფორტზე ზრუნვას მუდმივად აგრძელებს და ამჯერად „ჯასთ კაფეს" სიკეთეებით, თბილისისა და ბათუმის მსგავსად, ქუთაისის მცხოვრებლები და უცხოელი სტუმრებიც ისარგებლებენ. 

„ჯასთ კაფეს" უნიკალურობას სძენს მისი ორმაგი ფუნქცია. ქუთაისის იუსტიციის სახლში მყოფ მომხმარებელს, ფინჯანი ყავისა თუ კაფეს მიერ შემოთავაზებული კერძების დაგემოვნების პარალელურად, შეუძლიათ ისარგებლონ იუსტიციის სახლის არაერთი მომსახურებით - დააფიქსირონ მოთხოვნა ამა თუ იმ სერვისზე, მიიღონ კვალიფიციური კონსულტაცია თუ მზა დოკუმენტი, მაგალითად, პასპორტი, პირადობის მოწმობა, ამონაწერი საკუთრების შესახებ და სხვ. 

განაცხადის მიღებას მომსახურებისთვის საჭირო ყველა თანამედროვე საშუალებით კაფეში მყოფი ოპერატორები ახორციელებენ. ადგილზე ხდება პირადობის მოწმობისა თუ პასპორტისთვის აუცილებელი ფოტოსურათის გადაღებაც.

„ჯასთ კაფე" იუსტიციის სახლის სერვისებით დაინტერესებული სტუმრებისთვის იმუშავებს ყოველდღე, შაბათ-კვირის გარდა, 09:00 საათიდან 18:00 საათამდე.

(NS)

ავტორი: ,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის