ეროვნულ-დემოკრატიული ინსტიტუტის კვლევის თანახმად, გამოკითხულთა უმრავლესობა ყველაზე კარგად საქართველოს მართლმადიდებლური ეკლესიის საქმიანობას აფასებს.

კერძოდ, გამოკითხულთა 43% საქართველოს მართლმადიდებლური ეკლესიის საქმიანობას ძალიან კარგად აფასებს, 32% კარგად, 14% საშუალოდ, 1% ცუდად, ასევე 1% ძალიან ცუდად, 8%-მა არ იცის, 1%-მა კი, პასუხზე უარი განაცხადა.

რეიტინგში მეორე ადგილს საქართველოს ჯარი იკავებს. ჯარის საქმიანობას ძალიან კარგად 7% აფასებს, კარგად 43%, საშუალოდ 36%, ცუდად 3%, 10%-მა არ იცის, 1%-მა კი, პასუხზე უარი განაცხადა.

რეიტინგში მომდევნო იუსტიციის სახლებია. მათ მუშაობას ძალიან კარგად 6% აფასებს, კარგად 31%, საშუალოდ 40%, ცუდად 5%, 16%-მა არ იცის, ხოლო 1%-მა პასუხზე უარი განაცხადა.

მეოთხე ადგილს საქართველოს პოლიცია იკავებს. პოლიციის საქმიანობას ძალიან კარგად აფასებს გამოკითხულთა 4%, კარგად 32%, საშუალოდ 45%, ცუდად 10%, ძალიან ცუდად 1%, 7%-მა არ იცის, 1%-მა კი უარი განაცხადა პასუხზე.

მეხუთე ადგილზეა სახალხო დამცველი, რომლის საქმიანობას ძალიან კარგად აფასებს 2%, კარგად 13%, საშუალოდ 48%, ცუდად 8%, ძალიან ცუდად 1%, 26%-მა არ იცის, 1%-ს მა კი პასუხზე უარი განაცხადა,

რაც შეეხება ცენტრალურ საარჩევნო კომისიას, სასამართლოებს, მთავარ პროკურატურას და პარლამენტს, მათ საქმიანობას ძალიან კარგად გამოკითხულთა მხოლოდ 1% აფასებს.

კერძოდ, ცენტრალური საარჩევნო კომისიის საქმიანობას ძალიან კარგად აფასებს გამოკითხულთა 1%, კარგად 15%, საშუალოდ 48%, ცუდად 10%, ძალიან ცუდად 1%, 23%-მა არ იცის, 2%-მა კი პასუხზე უარი განაცხადა.

სასამართლოების მუშაობას ძალიან კარგად აფასებს 1%, კარგად 15%, საშუალოდ 44%, ცუდად 11%, ძალიან ცუდად 1%, 23%-მა არ იცის, 2%-მა კი პასუხზე უარი განაცხადა.

პროკურატურის მუშაობას ძალიან კარგად აფასებს გამოკითხულთა 1%, კარგად 10%, საშუალოდ 44%, ცუდად 11%, ძალიან ცუდად 1%, 31%-მა არ იცის, 1 %-მა პასუხზე უარი განაცხადა.

საქართველოს პარლამენტის მუშაობას ძალიან კარგად აფასებს 1%, კარგად 9%, 52% საშუალოდ, 19% ცუდად, 3% ძალიან ცუდად, 14%-მა არ იცის, 2% პასუხზე უარი განაცხადა.

NDI-ის კვლევის საველე სამუშაოები ჩატარდა 27 მარტი - 19 აპრილის პერიოდში, საქართველოს მასშტაბით 4360 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი