საქართველოს ახალგაზრდა იურისტთა ასოციაციის თავმჯდომარის სულხან სალაძის განცხადებით, ახმედ ჩატაევის გარშემო განვითარებულ მოვლენებთან დაკავშირებით, ხელისუფლებამ საზოგადოების ინფორმირებულობა უმოკლეს დროში უნდა მოახდინოს.

როგორც საია-ს თავმჯდომარემ განმარტა, აღნიშნული საქმე საქართველოს კონტექსტს სცილდება და ინტერესი სტრატეგიული პარტნიორების მხრიდანაც არსებობს. მანვე დასძინა, რომ გამოძიება ობიექტურად უნდა წარიმართოს.

"ამ პროცესში ხელუსუფლებამ მაქსიმალურად ყველაფერი უნდა გააკეთოს, რომ სრული და ამომწურავი ინფორმაცია მიაწოდოს საზოგადოებას, იმ ფარგლებში რა ფარგლებშიც ეს შეიძლება. მეორეს მხრივ უნდა უზრუნველყოს რეალურად უსაფრთხოება ქვეყანაში. თუმცა პასუხგაუცემელი კითხვები არ უნდა დარჩეს. ამ პროცესში აუცილებელია სწრაფი და ობიექტური გამოძიება, რადგან ეს საქმე სცილდება საქართველოს კონტექსტს. იყო საუბარი, რომ ტერაქტები იგეგმებოდა როგორც საქართველოში, ასევე თურქეთშიც. ამიტომ, აღნიშნული თემისადმი ინტერესი არის არა მხოლოდ საქართველოში, არამედ სტრატეგიული პარტნიორების მხრიდანაც. ვიმედოვნებთ, რომ ხელისუფლება მაქსიმალურად მოკლე დროში მიაწვდის საზოგადოებას ინფორმაციას", - განაცხადა სალაძემ.

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე