აჭარის ტურიზმისა და კურორტების დეპარტამენტმა რეგიონში სერვისების გაუმჯობესების მიზნით წელს, სექტორში ჩართული 500 მოქალაქე გადაამზადა.

დეპარტამენტის ცნობით, ტურიზმის განვითარების სკოლის ფარგლებში  ტურიზმის დარგში დასაქმებულ კადრებს  ტრენინგები მთელი წლის განმავლობაში როგორც ბათუმში,  ასევე მთიან აჭარაში უტარდებოდათ.

“მომსახურების ხარისხის ამაღლების მიზნით ტრენინგები და მასტერკლასები რამდენიმე მიმართულებით ჩავატარეთ. წელს, პირველად აქტიურ სატრენინგო პროგრამაში ჩავრთეთ მთიან აჭარაში არსებული საოჯახო-სასტუმრო სახლებისა და კვების ობიექტების მეპატრონეები. ჯამში, ყველა მუნიციპალიტეტში, 232 ადამიანს მათ საჭიროებებზე მორგებული ტრენინგები რამდენიმე მნიშვნელოვანი თემის ირგვლივ ჩავუტარეთ. ესენია, როგორც  სტუმართმასპინძლობის ზოგადი პრინციპები, ტურისტის უსაფრთხოება, მასტერკალასებისა და ექსკურსიების ორგანიზება, ტურისტული პროდუქტების და შეთავაზების დამუშავება. ასევე, მომსახურების ძირითადი წესები და სტანდარტები, ტურისტების ტიპები და მახასიათებლები, ონლაინ მომსახურება, კონფლიქტური სიტუაციების მართვა. სერვისის ამაღლება ჩვენთვის ერთ-ერთი მთავარი პრიორიტეტია და 2018 წელს ამ მიმართულებით ვაპირებთ უფრო მასშტაბური ღონისძიებების გატარებას“, - განაცხადა აჭარის ტურიზმის დეპარტამენტის თავმჯდომარე სულხან ღლონტმა.

2017 წელს, განსაკუთრებული ყურადღება დაეთმო გიდების გადამზადების საკითხს. ტურიზმის განვითარების სკოლის ფარგლებში გიდები მაღალმთიანი აჭარის მარშრუტების და დაცული ტერიტორიების, ასევე ბათუმის გიდის მიმართულებებით გადამზადნენ.

60 დამწყები და მოქმედი გიდი ინტენსიურ ტრენინგებს 4 ტურისტული მარშრუტის მიმართულებით ორი თვის განმავლობაში გადიოდა.  თეორიულ-პრაქტიკული ტრენინგები აჭარის ისტორიის, ეთნოგრაფიის, ექსკურსიათმცოდნეობისა და ჯგუფის ფსიქოლოგიის თეორიულ სწავლებას, ასევე, ტურისტულ მარშრუტებზე პრაქტიკულ საველე გასვლებს, იქ არსებული ღირსშესანიშნაობებისა და ძირითადი სერვისების გაცნობას ითვალისწინებდა. მსგავსი მასშტაბის ტრენინგ-კურსები გიდებისთვის წელს პირველად ჩატარდა. ასევე აჭარის ტურიზმის დეპარტამენტის ორგანიზებით გამოიცა პრაქტიკული სახელმძღვანელი გიდებისთვის.

მასტერკლასები და ტრენინგები ჩაუტარდა ბათუმში არსებული განთავსებისა და კვების ობიექტების, ასევე ტურისტული სააგენტოებისა და საინფორმაციო-ტურისტული ცენტრების მოქმედ  თანაშრომლებსაც. 

ტრენინგ-კონსულტაციები ძირითადათ მოიცავდა ისეთ მნიშვნელოვან საკითხებს, როგორებიცაა მომსახურების სტანდარტები, სურსათის უვნებლობა, დასუფთავება, პიარი და რეკლამა, ინტეგრირებული მარკეტინგული კომუნიკაციები. 2018 წლიდან, აჭარის ტურიზმის დეპარტამენტი ტრენინგებისას განსაკუთრებულ ყურადღებას ტურისტულ ობიექტებში უსაფრთხოების ძირითად სტანდარტებს დაუთმობს.

(NS)

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი