იუსტიციის მინისტრი თეა წულუკიანი  საქართველოს მიერ ვიზალიბერალიზაციის სამოქმედო გეგმის შესრულების შესახებ, ევროკომისიის მესამე პროგრესულ  ანგარიშს გამოეხმაურა.

როგორც წულუკიანმა ჟურნალისტებს განუცხადა, ევროკომისიის მიერ გამოქვეყნებული  ანგარიში ბოლო ექვსი თვის განმავლობაში მასშტაბური მუშაობის შედეგია. თეა წულუკიანი საზოგადოებას ევროკომისიის მიერ  საქართველოს პროგრესის აღიარებას ულოცავს.

"ევროკავშირის მიერ დღეს გამოქვეყნებული ეს უაღრესად დადებითი ტექნიკური ანგარიში არის ბოლო ექვსი თვის მანძილზე მასშტაბური მუშაობის შედეგი. იმიტომ, რომ დადებითია, დღეს პარლამენტში ამაზე ოპონენტები არ ისაუბრებენ! არადა მისალოცია ქვეყნისთვის! ყველას გილოცავთ ჩვენი ქვეყნის პროგრესისა და რეფორმების ამ აღიარებას და მადლობას ვუხდი თითოეულ პოლიტიკოსს და საჯარო მოხელეს, ვინც ამ შედეგის მიღებაში მიიღო მონაწილეობა. დიახ, ჩვენ ეს შევძელით ყველამ ერთად! და მუშაობა უნდა გაგრძელდეს. ინსტიტუციური დემოკრატია - აი, რას დატოვებს ეს მთავრობა მემკვიდრეობად",-განაცხადა თეა წულუკიანმა.

შეგახსენებთ,  ევროკომისიის  ანგარიშში ნათქვამია, რომ საქართველომ  ვიზა ლიბერალიზაციის სამოქმედო გეგმის ოთხივე ბლოკის ფარგლებში მნიშვნელოვან პროგრესს მიაღწია.

"ეს წარმოაჩენს ქვეყნის სრულ მზადყოფნას და იმ ძალისხმევის ხარისხს, რაც მან განახორციელა. საქართველოს მიერ განხორციელებული რეფორმების იმპლემენტაცია და შედეგები სიღრმისეულად იქნა გაანალიზებული. ეს ადასტურებს, რომ საკანონმდებლო და პოლიტიკური სისტემის ფუნქციონირება, ინსტიტუციური და ორგანიზაციული პრინციპების და პროცედურების ერთიანობა ოთხივე ბლოკის შემთხვევაში საერთო ჯამში შეესაბამება საუკეთესო ევროპულ და საერთაშორისო სტანდარტებს. ამიტომ, კომისია მიიჩნევს, რომ საქართველო მთლიანობაში შეესაბამება ვიზა ლიბერალიზაციის სამოქმედო გეგმის მეორე ფაზის ამოცანებს",-ნათქვამია ევროკომისიის ანგარიშში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ