ევროსაბჭოს პრეზიდენტის ან პროსერის შეფასებით, ევროსაბჭოს წევრ ყველა ქვეყანაში არატოლერანტობა და სიძულვილია. 

ამის შესახებ ბრასორიმ საქართველოს პარლამენტში სიტყვით გამოსვლისას განაცხადა. 

მისივე შეფასებით, ამ ქვეყნების ყველა პოლიტიკური ლიდერი უნდა გაერთიანდეს და ქვეყნებში განვითარებულ სიძულვილს შეებრძოლონ. 

„ბატონო პრეზიდენტო ორი სიტყვით მინდა ვთქვა, ის რაც ევროსაბჭოს თითქმის ყველა ქვეყანაში ხდება. ჩვენ ვხედავთ არატოლერანტობისა და სიძულვილის აღზევებას ყველა ამ ქვეყანაში.  ჩვენ უნდა ყველა ერთად ვიდგეთ –  ყველა პოლიტიკური ლიდერი , პარტია და საზოგადოებაც , რომ შევებრძოლოთ ამ არატოლერანტობას და სიძულვილს, რომელიც ქვეყნებში ვითარდება, რადგანაც სიძულვილი დემოკრატიას ძირს უთხრის“, – აღნიშნა ევროსაბჭოს პრეზიდენტმა. 

როგორც მან განაცხადა, ევროსაბჭო ურთიერთწინააღმდეგობებსა  და ბარიერების შექმნას  არ დაუშვებს.   

„მაგრამ სამწუხაროდ, დღეს ვხედავთ, რომ უფრო მეტი და მეტი ბარიერი არის შექმნილი.  გუშინ მე ვიყავი ადმინისტრაციული საზღვრის პირას, სადაც მე შემეძლო საკუთარი თვალით მენახა, თუ რას ნიშნავდა ახალი ბარიერების აღზევება და შექმნა.  ეს აბსოლუტურად მიუღებელია, რადგან ტერიტორიული მთლიანობა არის მნიშვნელოვანი საკითხი ევროპის საბჭოში. ჩვენ უნდა მივაღწიოთ იმას, რომ ეს ბარიერები დავამხოთ, რომელიც შექმნილია არა მხოლოდ ამ ქვეყანაშ, არამედ სხვა ქვეყანაშიც. ჩვენ გვაქვს უზარმაზარი დაბრკოლება, რომელიც უნდა გადავლახოთ და ევროსაბჭოს 47 ქვეყნის 840 მილიონი ადამიანის თავისუფლებას მივაღწიოთ. ეს ძალიან რთულია, მაგრამ ჩვენ პოლიტიკოსები იმიტომ  ვართ, რომ ჩვენს თავზე ასეთი წინააღმდეგობები ავიღოთ.  მე ვიცი, რომ შეგვიძლია ამ ბარიერების გადალახვა, რათა მივაღწიოთ ადამიანების თავისუფლების დაცვას, მაგრამ მხოლოდ იმ შემთხვევაში, თუ ჩვენ ყველანი ერთად ვიმუშავებთ, რადგან ჩვენ ყველანი ვეკუთვნით ერთ ოჯახს  და ყველას აქვს თავისი პასუხისმგელბობა“, – განაცხადა ან ბრასორიმ.

მან საქართველოს პრეზიდენტს, პრემიერ–მინისტრს, პარლამენტის თავჯდომარესა და დეპუტატებს ევროსაბჭოს მხარდაჭერა კიდევ ერთხელ დაუდასტურა.  

„პრეზიდენტო, პრემიერო , პარლამენტის თავჯდომარე, დეპუტატებო, მე ვიცი, რომ უზარმაზარი დაბრკოლებები გაქვთ თქვენს ქვეყანაში.  თქვენ შეგიძლიათ ჩვენი იმედი გქონდეთ.  გისურვებთ წარმატებას“, – აღნიშნა ბრასორიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი სოციალურ ქსელებში ცენზურაზე - ვისაც იხუტებს ბრიუსელი, ისინი ცდილობენ ზიზღის დათესვას

რუსი ოკუპანტების მიერ უკანონოდ დაკავებული საქართველოს 2 მოქალაქე თავისუფალია

კობახიძე სოციალურ ქსელებში ცენზურაზე - სახელმწიფო უზრუნველყოფს ეფექტიან რეაგირებას

ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევიდა