„თქვენმა მთავრობამ, ქვეყნის ფაქტობრივმა მმართველმა ბიძინა ივანიშვილმა საყდრისის უძველესი ოქროს საბადოს აფეთქებით დანაშაული ჩაიდინა“, - ამის შესახებ „ნაციონალური მოძრაობის“ წევრმა სერგო რატიანმა მინისტრთა კაბინეტის საპარლამენტო უმცირესობასთან შეხვედრაზე განაცხადა.

სერგო რატიანმა პრემიერ-მინისტრს ირაკლი ღარიბაშვილს შემდეგი კითხვით მიმართა - „ყოველივე იმის შემდეგ, რაც თქვენ ჩაიდინეთ, დანაშაული ქართული და მსოფლიო კულტურის წინააღმდეგ, გაქვთ თუ არა უფლება, იყოთ პრემიერ–მინისტრი?“
„თქვენმა მთავრობამ, ქვეყნის ფაქტობრივმა მმართველმა ბიძინა ივანიშვილმა საყდრისის უძველესი ოქროს საბადოს აფეთებით დანაშაული ჩაიდინა. იგივე აზრზე ხართ თუ არა, რომ როგორც რამდენიმე დღის წინ თქვა ივანიშვილმა, საყდრისი არის ცრუ კულტურა. აცნობიერებთ თუ არა იმას, რა მასშტაბის ზიანი მიაყენა თქვენმა მთავრობამ, როდესაც საერთაშორისოდ აღიარებული კვლევები ერთ დღეს დიდ ტყუილად გამოაცხადა, როდესაც 10 წლის განმავლობაში, არაერთი ქვეყნის მრავალი უნივერსიტეტის, მაგალითად, გერმანიის, საფრანგეთის, ასევე კემბრიჯი–ინგლისის, ამერიკის უნივერსიტეტის მეცნიერები მუშაობდნენ და საერთაშორისოდ აღიარებული კვლევა ადგენდა იმას, რომ ეს არის უძველესი ოქროს მაღარო, და თქვენმა მთავრობამ, თქვენმა კომისიამ ერთ დიდ ტყუილად გამოაცხადა. 
როდესაც საუბარია ეკონომიკურ კრიზისზე რამდენად ადეკვატური იყო ყოველივე ამის შემდეგ, როდესაც თქვენ 30 დეკემბერს ფაქტობრივად გადასახადის გარეშე უსასყიდლოდ გადაეცით ლიცენზია „არ ემ ჯი გოლდს“ 5 წლის ვადით, ამ კომპანიას არასდროს არ ქონია უფლება ამ საბადოს დამუშავების, მას გადახდილი ჰქონდა 100 მილიონი ლარი იმ კონკურსით და მასში არ შედიოდა ოქროს საბადო“, - განაცხადა სერგო რატიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი სოციალურ ქსელებში ცენზურაზე - ვისაც იხუტებს ბრიუსელი, ისინი ცდილობენ ზიზღის დათესვას

რუსი ოკუპანტების მიერ უკანონოდ დაკავებული საქართველოს 2 მოქალაქე თავისუფალია

კობახიძე სოციალურ ქსელებში ცენზურაზე - სახელმწიფო უზრუნველყოფს ეფექტიან რეაგირებას

ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევიდა