თბილისის მერი კახი კალაძე, მერიის უსაფრთხოების სამსახურის თანამდებობაზე ნუგზარ ჭონქაძის დანიშვნასთან დაკავშირებით, საკუთარი გადაწყვეტილების გადახედვას არ აპირებს.

კალაძე ამბობს, რომ ჭონქაძეს უსაფრთხოების სფეროში წლების გამოცდილება აქვს:

„ნუგზარ ჭონქაძეს მინდა წარმატებები ვუსურვო, ძალიან მნიშვნელოვანი სამსახურია უსაფრთხოების სამსახური, დარწმუნებული ვარ, რომ ის გაართმევს თავს დაკისრებულ მოვალეობას. ეს ადამიანი წლების განმავლობაში მუშაობდა სახელმწიფო უსაფრთხოების სამსახურში, წლების განმავლობაში მუშაობდა საფინანსო პოლიციაში, წლების განმავლობაში იყო პროგრესბანკის უსაფრთხოების ხელმძღვანელი, სხვა რომელ წარსულზე მელაპარაკებით? არის ჩოხოსანი, არის კარგი თამადა“,-განაცხადა კალაძემ.

შეგახსენებთ, ნუგზარ ჭონქაძის მერიის უსაფრთხოების სამსახურის უფროსად დანიშვნა თბილისის საკრებულოს „ნაციონალურმა მოძრაობამ“ გააპროტესტა. მათი თქმით, ნუგზარ ჭონქაძე გამოირჩევა სიძულვილის ენით და განსაკუთრებული აგრესიულობით ყველა იმ ადამიანის მიმართ, რომელიც განსხვავებულ აზრს გამოთქვამს.

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება