ე.წ. სამხრეთ ოსეთში, ახალგორის რაიონში "საბაჟო" პუნქტი გაიხსნება, - ამის შესახებ ოკუპირებულ ცხინვალში გამართულ პრესკონფერენციაზე დე-ფაქტო საბაჟო კომიტეტის ხელმძღვანელმა მურატ ცხოვრებოვმა განაცხადა.

"sputnik-ossetia"-ს ინფორმაციით, ცხოვრებოვმა აღნიშნა, რომ ე.წ. საბაჟო „რაზდახანის“ გამშვებ პუნქტზე იმუშავებს. მისივე განმარტებით, "საბაჟოს" გახსნის მიზანი საქართველოდან შესული საქონლის მონიტორინგის გაუმჯობესებაა.

"საბაჟო პუნქტის გახსნა შემოტანილი პროდუქციის მოცულობისა და ხარისხის კონტროლისთვის არის საჭირო. ყველა შემოტანილი პროდუქცია წლების განმავლობაში გადასახადებისგან თავისუფალი იყო“, - განაცხადა ცხოვრებოვმა და დასძინა, რომ ახალი საბაჟო პუნქტის გახსნისთვის საჭირო ყველა დოკუმენტაცია შესათანხმებლად დე-ფაქტო ხელისუფლებაშია გადაგზავნილი.

ცნობისთვის, ახალგორის მოსახლეობას აქვს უფლება გადაიტანოს საქართველოს ტერიტორიიდან საქონელი და მისი წონა 50 კილოგრამს არ უნდა აღემატებოდეს.

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა