„ეკონომიკური გუნდის მინისტრების გადაყენება, ჩვენი მხრიდან პოპულისტური ნაბიჯი იქნებოდა“,-ამის შესახებ ვიცე-პრემიერმა, ენერგეტიკის მინისტრმა კახა კალაძემ „იმედის კვირასთან“  საუბარში  განაცხადა.

მისივე თქმით, გუნდი იმისთვის არის, რომ ერთობლივად გაუმკლავდეს პრობლემებს.

„არავინ არ დაობს იმაზე, რომ ლარის დევალვაციამ გარკვეული პრობლემები შეუქმნა ქვეყნის მოსახლეობას, ძალიან მძიმე სოციალური ფონია, ძალიან  უჭირთ ადამიანებს და ძალიან  დაუმძიმდათ სიტუაცია იმ პირობებში როდესაც  ლარი  გაუფასურდა, რადგან ძალიან ბევრი  ადამიანია ქვეყანაში , რომელსაც  სესხი აქვს აღებული დოლარში და   მათ ამის დაფარვა უწევთ  გაუფასურებული ლარის პირობებში. ჩვენ   ამასთან დაკავშირებით არაერთხელ გავაკეთეთ  განმარტებები, რომ  ეს არ არის საქართველოში მიმდინარე  პროცესებით განპირობებული. იმით, რომ დღეს გადაყენებული ყოფილიყო ფინანსთა მინისტრი ნოდარ ხადური, ეს პრობლემა მოგვარებული იქნებოდა?!   თუმცა, მე მგონია, რომ  დღეს, ეკონომიკური გუნდის მინისტრების გადაყენება ჩვენი მხრიდან მხოლოდ პოპულისტური ნაბიჯები იქნებოდა. ჩვენ ვიცით, რომ  არსებობს პრობლემა და გუნდი იმისთვის არის გუნდი, რომ ჩვენ ერთობლივად შევძლებთ ამ გამოწვევებს გავუმკლავდეთ. არსებობს საფუძველი იმისა, რომ უახლოეს  უახლოეს მომავალში დაიწყოს ლარის გამყარება“,-განაცხადა კახა კალაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები