„მზად ვარ პრეზიდენტს ნებისმიერ დროს შევხვდე, თუკი მას ამის სურვილი, დრო და ნება ექნება“,-ამის შესახებ თავდაცვის მინისტრობის კანდიდატმა თინა ხიდაშელმა გადაცემა „რეაქციაში“ განაცხადა.

მისივე თქმით, ის იმ უწყების ხელმძღვანელია , რომელსაც პირდაპირი კავშირი აქვს ქვეყნის პრეზიდენტთან.

"მე ვარ საქართველოს მთავრობაში დღეს იმ სამინისტროს ხელმძღვანელი, რომელიც შესაძლოა ერთადერთია,ვისაც პირდაპირი კავშირი აქვს ქვეყნის  პრეზიდენტთან, როგორც  ამ შემთხვეაში ქვეყნის მთავარსარდალთან. ამიტომ ჩემი მხრიდან დღეს  კომენტარები იმაზე, დამაჯერებელია თუ არა,  რასაც პრეზიდენტი პარლამენტისთვის მთავრობის შემადგენლობის წარდგენის გადავადებაზე ამბობს, აბსოლუტურად არასწორი და  არაკორექტული მგონია.  იმ წუთიდან მოყოლებული, რაც პრემიერ-მინისტრმა თავდაცვის მინისტრად დამნიშნა, მზად ვარ შევხვდე ქვეყნის პრეზიდენტს, თუკი მას ამის სურვილი, მზად ვარ შეხვედრისთვის ახლავე, დაუყოვნებლივ, ამ ეთერიდან წავიდე.  როდესაც ექნება მას სურვილი, დრო და ნება მზად ვარ შევხვდე და ვილაპრაკოთ ჩემს  საწყისზეც, გეგმებზეც და პრაქტიკულ საქმიანობაზეც ,  რას ვაკეთებთ ხვალ და ზეგ, როგორ ვთანამშრომლობთ, როგორც თავდაცვის მინისტრი და ქვეყნის მთავარსარდალი", - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები