„ნაციონალური მოძრობის“ წევრები და მხარდამჭერები მსვლელობით ყოფილი პრემიერ-მინისტრის, ბიძინა ივანიშვილის რეზიდენციასთან მივიდნენ, სადაც საპროტესტო აქციას მართავენ.

მათ რეზიდენციის ჭიშკარზე ბიძინა ივანიშვილის პლაკატი გააკრეს, წარწერით - „ფაროსანა“. კიდევ ერთ პლაკატზე წარწერით - „ჩვენ ვშრომობთ ესენი იპარავენ“ ივანიშვილთან ერთად, „ქართული ოცნების“ თბილისის მერობის კანდიდატი კახა კალაძეა გამოსახული.

აქციის მონაწილეები თბილისის საკრებულოს მეირ 10 ოქტომბერს მიღებულ გადაწყვეტილებას აპროტესტებენ, რომლის თანახმადაც, ბიძინა ივანიშვილთან დაკავშირებულ კომპანიებს თბილისში მიწის ნაკვეთები გადაეცათ.

„ნაცმოძრაობის“ თბილისის მერობის კანდიდატის, ზაალ უდუმაშვილის განცხადებით, ისინი არ აპირებენ იმ უსამართლობასთან შეგუებას, რაც დღეს საქართველოში ხდება. მისივე თქმით, 21 ოქტომბერს საქართველოში გადამწყვეტი დღეა, როდესაც ხალხმა უნდა აირჩიოს, ისევ ბიძინა ივანიშვილი იქნება ქვეყნის მმართველი, თუ მმართველობა ხალხს დაუბრუნდება.

„ეს არის ადამიანი, რომელიც ყველაფერზე მიდის, ოღონდ კი საკუთარი კომპანიები და საკუთარი თავი დაამკვიდროს. ეს ხდება ჩვენი თანამოქალაქეების ხარჯზე. 21-ში არის უმნიშვნელოვანესი არჩევნები, უნდა გადაწყვიტოთ, ის იქნება ქვეყნის მმართველი თუ ქართველი ხალხი“, - აღნიშნა ზაალ უდუმაშვილმა.

ადგილზე „ნაციონალური მოძრაობის“ ასობით მხარდამჭერია შეკრებილი.

შეგახსენებთ, საკრებულოში წარდგენილი დოკუმენტების თანახმად, ოქროყანას დასახლებაში მდებარე 4433 კვ.მ მიწის ნაკვეთი შპს „თაბორი  რიზორთს“, პირდაპირი განკარგვის ფორმით 102,000 ლარად  გადაეცა საკუთრებაში. ხოლო, თბილისში, პუშკინის ქუჩაზე ცეკავშირის მიმდებარე ტერიტორიაზე მშენებარე სასტუმროსთან  არსებული 1900 კვ.მ მიწის ნაკვეთის  შპს „თბილისი სითისათვის“ საკუთრებაში გადაცემა, სიმბოლურ ფასად -1 ლარად მოხდა. ორივე კომპანიის მიერ დაგეგმილი პროექტები თანაინვესტირების ფონდის მხარდაჭერით ხორციელდება, რომლის დაფუძნება ყოფილი პრემირ-მინისტრის ბიძინა ივანიშვილის სახელს უკავშირდება. კერძო კომპანიისთვის 1900 კვ.მ. მიწის ნაკვეთის სიმბოლურ ფასად გადაცემა მის საკუთრებაში არსებული სასტუმროსათვის დამატებით მიწისქვეშა 30 ავტოსადგომის მოწყობის მიზნით მოხდა.

ავტორი: ,

სოციალური ქსელები

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე